(A sei lutuk a han chhiar chhuah chi zia zang ani lo,chhiar chhuah ka phut lo,zanin chu ka hla ngaihthlak hian a zir/zirlo em a ka khua a har a,ka lung a leng bawk a keimah leh keimah ka inkawm ani ber)
Time travel te kha High School ah khan kan han zir ve a,film ah te kan en bawk a,mahni a khawhar tak a han inngaihtuah lunglen chang hi chuan hun kal tawh a han zin let leh te hi a chakawm a nunhlui ngai a auh ruai ruai hi a va awl em! Kan han naupan deuh lai te kha chuan kan hmalam hun te kha a engin phurrit pawh a la awm lo a,han ngaihtuah let leh pawh hian kan la mawl in lungkham em em pawh kan neilo,engkim mai kha a hlimawm a,hun te kha a kal muang ani. krismas nghahhlelhawm zia leh lo thlenhar thin si zia tak te kha aw! Tunah erawh hun te hi a thlawk fua fua a,nimin lawk emaw kan lo tih kha thangkhatlian a lo ni ta zel mai.A chang chuan kan nun hi lemchanna khawvel ang hi nimaiin ka hre thin....Khang hun kan chen ve ni te kha chuan engkim mai kha a tluang purh a,lo ral thlir tu tan a eng vak nilo kha a tawngtu tan chuan ropui tak vek a nih kha..aaa... a khamawm loh a ni,a khamawm mawlh loh.Mahse, khamlo engang mah ila mual an liam ta a kohkir theih rual an ni tawh lo,engkim mai hi a lo danglam ta, a thenin rihsangmual te liamin a then khiangawiin mual an lo liam zo ta,engkim mai danglam ta karah hian thil pakhat danglam ngailo erawh "ka hmangaihna che hi."
I was back in the old days - long ago
When we were kids when we were young
Things seemed so perfect - you know
The days were endless we were crazy we were young
The sun was always shinin' - we just lived for fun
Sometimes it seems like lately - I just don't know
The rest of my life's been just a show
Those were the days of our lives
The bad things in life were so few
Those days are all gone now but one thing is true
When I look and I find I still love you)
Hun leh tuilian hi zawng a nun rawng a tumah a nghak lo,kohkir leh theih a ni lo a koh kir tum chi pawh a ni lo, khuarel a ni miau ani.Kohkir theih a nilo hi thil zahthlak ni lemlo mahse runthlak tak chu a va ni chiang em! Thil kal tawh leh tih danglam theihloh tih hi hre reng mah ila hetia han inngaihtuah khawhar chang hi chuan vawikhat chauh, vawikhat te chauh tal chu khang hunah khan han kir leh theih hi ka chak thin! A chang chuan Zotlang kham a tang te hian tlai nitla tur te hi ka han thlir a he kan lei taksa hi hun kal tawhah let leh theilo mah ila ngaihtuahna hi erawh a chang chuan a zin let vawn vawn a,thla bial zan a current an awm loh ngat phei hi chuan Leitlangpui te hi a ding saruak thuau mai a, rilru a vak kual zut zut a,tum loh thleng thleng ngaihtuah a awl a, lunglen loh te hi tum luih chi pawh a ni lo.Fredy Mercury te pawh khan han thlir ve ngat se lungleng a athih hma loh vek pawhin ni hnih khat tal hi chuan a damrei phah ngeiin ka ring.Kan han puitling a thil hrang hrang kan han tawng a,a chang chuan humsual dai a inchhir ngawih ngawih a han in dawm kun hun te,"kan naupan deuh lai khan hetiang hian lo awm ta zawk ila tunah hi chuan kan nun pawh a zia deuh tur" tih chang te pawh kan nei thin a nih hi.Mahse,hetia indawm kun mai ai hi chuan thlamuang tak a han thut diai diai a kan hlim hun lai leh naupan lai te ngaihtuah daih emaw, fate nen a hlim tak a awm daih emaw, hunin min kalpui dan zul zui ang ang a hahdam tak a awm mai emaw hi a lo hahdamthlak mai zawk thin a lo nih hi a.A chhan chu maw,khang kan hringnun chen ve hun lai kha chu a ral tawh a,hmanlai an chang zo ta.Khuarel hun nunrawng tak hian a lo her liam pui tawh a kohkir leh theih pawh a ni ta lo.Khang hun zawng zawng kha her liam in lo danglam tawh mahse nang erawh i vul reng e!
(You can't turn back the clock you can't turn back the tide
Ain't that a shame
I'd like to go back one time on a roller coaster ride
When life was just a game
No use in sitting and thinkin' on what you did
When you can lay back and enjoy it through your kids
Sometimes it seems like lately - I just don't know
Better sit back and go with the flow
Cos these are the days of our lives
They've flown in the swiftness of time
These days are all gone now but some things remain
When I look and I find no change)
He hla hi Roger Taylor a phuah ni zawk mahse Freddy Mercury nun nen hian a inhmeh lutuk a,live music a perform thei tawh dawn lo tih hre chung a thih dawn kum a mipui hma a lungkuai em em a an sa te,Mary Austen nen tleirawl laiin an han inngaizawng a,a han lar chhuak a khawvel nawmchenna kawng chi hrang hrang chenin a kal ta a,mawngkawhur hial te a ni a chutah AIDS an vei a,a nun tawp lam a harsatna tak tak kar a dawm tlat tu erawh Mary Austen lo hi chu midang a lo nei tak tak chuanglo!! A in ropui Logan Place phei chu Mary hian a chhawm ta nghe nghe a nih kha.
(4th July 2014; 10;30 p.m )
No comments:
Post a Comment