DI HLUI

Nimin chu YZTP ho hla put ru "DI HLUI" tih hi a nalh lutuk an tia Youtube lamah kan ngaithla ve a,a lo nalh nangiang mai reng a...

"A dai hlenta emaw ka lo ti hmana ka hmangaihna che,

A thamral ta emaw ka ti thin nunhlui ngaihawm zawng pawh;

Mahse i sakhmel ka tawn changin kimten an lo thar leh thin,

I khiangawi hnu poh hi e 'Di hlui' nghilh i lo har ka ti.

* Thlangkhuandimin kar danah kan leng ta si a,

Tawn changni pohin biahthu hrilh arem tawh si lo;

I lo dam thin maw aw "DI HLUI,di hlui",

Tih chauh hi kazawt ngam a che..."

A mood ah ka lo cheng a ka lo play ring deuh a ni ang, a rin ang angin home Minister rawngbawl ri poh a rawn ring chho,a insum zo ta lo ni ngei tur a ni ti hian a rawn tawng chhuak ta a...

KANNU: Tu i di hlui ber nge i ngaih a?

KEI: An zavaiin a ni mai.

KANNU: Nia,i fate ho pawn ' Di hlui' an ti al al anga atha a lawm,i hrethiam khawp ang chu..

KEI: Di hlui tih tur pawh an la neih loh chu a.
(19th June 2014)

KANNU: I hre ngawt a mi? nangai pon an ngah maithei asin!

KEI: Kei ai ngah chu a harsa deuh ang 

KANNU: Hmm,tha a lawm,I fate nen "Di hlui" tih in la sa ho dial dial dawn nia..

Han ngaihthlak chhunzawm chi a ni ta lo,inbual turin Bualin lam ka pan nghal a,chu tah ring fe in Pathian hla "Ka thla, lungngaiin,Boralna lamtluang a zawh,Hnemtu an awm lo,minpui thei an awm lo.."tih hla hi tilui tih hriat fe hian a rawn sa.Bualin kawngkhar khar pahin "Tha a lawm,i fate nen Boralna lamtluang in la zawh ho dawn nia" ka ti a, min chhan hmain ka khar nghal daih.Rei vaklo hnuah bualin kawngkhar ka hawng leh a "Ka underpant kha min lo pe lok teh aw DI HLUI" ka va ti chu underpant arawn thlawk phei nghal...hehe..Tlem a tlemah Pathlawi ka ni thelh a lom le!..