A CHANG CHUAN
(Benjamin Lalhmingliana)

A chang chuan,
Nang nen hian kumtluang a awm dun a,
 Tudang ngailo a hring nun zawng hman hi ka chak thin,
 Mahse, chutiang chu thleng thei nita se i rethei kum tluan dawn si.

A chang chuan,
 Hun liam hnu hi han koh kir a,
 Nun thar a nunbul han tan that leh hi ka chak thin,
Mahse, chutiang chu thleng thei ni ta se nang hi ka tawng dawn silo che a

A chang chuan,
 He khawvel hi mumang mai nise,
 Mang lam a nang nen kan hlimdun thinna te hi a tak ni zawk se ka ti thin,
Mahse, chutiang chu thleng thei nite se tun a i hlim ang hian i hlim dawn silo a

A chang chuan,
 Ka hringnunah hian lo kirin
Hun harsa ka tawh lai hian ka bulah awm la ka ti thin,
Mahse, chutiang chu thleng thei nita se tun a i hmangaih ber hi i kalsan a ngai dawn si...

Lo hlim phawt mai la,
I nun khua hi sei se,
He khawvel a i awm ve tih ka hriat ringawt pawh hian ka hlim asin

ZAHNGAI TEH
( Benjamin Lalhmingliana)

Aw engan ka nun riangah ilo kir le,
Mahte a luaithli ka nul phala min thlah tawh hnu,
Nang vanga ka thinlaina ban zai arel dawnin leh,
Nat tin siamtu nunhlui chu chul sela tih laiin,
Kawlvalenchham pelin annem biahthu min hlan leh a,
Mahse i tan ka anka sêng thei ka ni tawhlo.

Hmanah duhte'n buan ang ka pawm che,
Ka rinchhan nghahna i ni thin,
Chhing zo reng an awmlo che ka Di lenmawi,
Mahse lengdang țang minlo belhsan ta,
Vui thei reng hian ka mawilo, ka demlo che,
Hei hi ani an sawi hmangaihna vanduai chu.

Mahse hei erawh min chhang leh la,
Ka țang belh lai i khin ngai em,
I thinlaian ka châm ve țhin em?
Kan sulhnu te dawn kir chang nei ve che maw?
Ka chhungril chuan ala ngai țhin che,
Mahse, nat tin vuan tel hmangaihna ka pawm ngam tawh silo.

TIME - PINK FLOYD
(Benjamin Lalhmingliana)

Ticking away the moments that make up a dull day,
Fritter and waste the hours in an off-hand way,
Kicking around on a piece of ground in your home town
Waiting for someone or something to show you the way

Kan han tleirawl chhuak kha engkim mai,school kal, lehkha zir, inkhawm etc te kha a ninawm em em a, ninawm tihreh nan kawng hrang hrangin hun kan khawhral a, a changin humsual te kan han dai ang lawp a,kan hun tha kha ho takin kan khawhral a. Mahni khua chhete kha kan thlahlel em em a,hmathlir thui tak pawh kan neilo, tumruh tak a ram dang a lehkha zirchhuah ai chuan vanneihna in minlo pan hun kan nghak a.

Tired of lying in the sunshine staying home to watch the rain
You are young and life is long and there is time to kill today
And then one day you find ten years have got behind you
No one told you when to run, you missed the starting gun

Chutia ho lam tak a hun tha kan khawhral mai mai lai chuan kan la naupang a hun tha tam tak kan la nei a tun hun hi lo hmang chhe deuh mah ila bul tan thatna hun kan la ngah alawm tiin kan inhnem a. Mahse kan inhriatchhuah meuh chuan hmanni lawk emaw kan tih te kha thangkhat lian a lo ni hman reng. He hringnun intlansiakna ah hian a hnukhawiah chaurauek kan thai ta der anih hi.

And you run and you run to catch up with the sun but it's sinking
Racing around to come up behind you again
The sun is the same in a relative way but you're older
Shorter of breath oneday closer to death

Kan han harhchhuak tlaikhawhnu a mi rualin pheichheh kan han tum veleh hnuhnawh a mahse kan hun tha alo liam tawh si. Ni chu nitin angaiin chhuak mahse kan hun erawh liam in kan upa tual tual a, he hringnun kan hmanlai hi a herliam lo chauh tawh anih hi maw.

Every year is getting shorter, never seam to find the time
Plans that either come to naught or half a page of scribbled lines
Hanging on in quiet desperation is the english way
The time is gone, the song is over, thought i'd something more to say

Kum tin mai hian hun hi a tawi tial tial a, insiam that nan hun pawh kan inpe theilo, ruahmanna kan han siam ve pawh engmahlo mai a ni zel a, beidawng tak a indawm kun bak tih tur avang a, kan hun tha aliam tawh a,kan hun tha ho lam tak a kan hman liam bak hi sawi tur dang reng ka neilo.

A NA ASIN
(Benjamin lalhmingliana + Vra Ngente)


Zing tian khua varin  ka dawn thin i thinlai luah ve tak ang i maw tiin,
Zaleng dang i dawn hmain.
Chhunni sensa hnuaia țuan i relin min han dawn ve țhin che maw?
Tlai khua alo ngui hian mi ngaiin kiu ve țhin em?
Kei zawng nang ngai turni ka chhiar liam nitin asin,

**Hringnun hun hmang nawn thei zet ila e,
Duhaisam te hi tleng ta se,
Nang nen hringnun hman ral ka nuam asin,
Nang tello mit khap kar a rei si,
Hei zawng hi maw thinlai na a biahnêm ka hlan theih chu.

Khiangawiin țang dang min belhsan ta a,
A mak a na tih bak sawi tur ka vai,
Nang zawngin min nghilh zai ila rêl anga khuareiah,
Hringnun lamtluang a tawi hun chuan,
I thinlung ah ka reh tawh mahna,
Mahse ka tan chuan e nitin i thar fo dawn si.

A CHANG CHUAN
(Benjamin Lalhmingliana)

A chang nang nen hian kumtluang a awm dun a, tudang ngailo a hring nun zawng hman hi ka chak thin, mahse, chutiang chu thleng thei nita se i rethei kum tluan dawn si.

A changchuan hun hi koh kir a athar a nunbul han tan that leh hi ka chak thin, mahse,
chutiang chu thleng thei ni ta se nang hi ka tawng dawn silo che a

A chang chuan he khawvel hi mumang mai nise, mang lam a nang nen kan hlimdun thinna te hi a tak ni zawk se ka ti thin, mahse, chutiang chu thleng thei nite se tun a i hlim ang hian i hlim dawn silo a

A chang chuan ka hringnunah hian lo kirin hun harsa ka tawh lai hian ka bulah awm la ka ti thin, mahse, chutiang chu thleng thei nita se tun a i hmangaih ber hi i kalsan a ngai dawn si...

Lo hlim phawt mai la, i nun khua hi sei se, he khawvel a i awm ve tih ka hriat ringawt pawh hian ka hlim asin

DI HLUI
(Benjamin Lalhmingliana + Vra Ngente)


Kuah theih tawhloh kuah chakin ka rum a,
I sakhmel tawn changin i țang belh lai ka ngai țhin;
Sulhnu a thar zual thinlaiah,
Mahse nang zawng lengdang tawnah i vul tawh si.

Koh kir theihloh nunhlui ngaiin ka rûm a,
Hlimlaini a thar leh țhin chhingmitah;
Duhthu ka sam nang nen len duh leh nan,
Mahse nang zawng lengdang tawnah i vul tawh si.

Nangnen nau ang kan nuihdun lai te kha dawn ve țhin che maw?
Nang chauh ti a biahthu min hlan țhin lai te,
Lungchhira kirin ka țang belh i thlahlel ve hian ka ring țhin.
Mahse nang zawng lengdang tawnah i vul tawh si.

Lungnghilh loh di hlui tawn zet chu e,
Thinlai ana, lunglai a hnîm ngei e,
Kan sul i hnu zawngte mitthla ah a thar nawn a,
Mahse lengdang tawnah i vul tawh miau si.

KAN NUN KHUA REI CHANG MAI TUR HI
(Benjamin Lalhmingliana)


Hlimte a hringnun am in,

Nang nen lenlai kan chên,

Tlang sel, khua rel dawn zo lovin,

Hringnun hun kan chhiar dun,

Țhiangte a lengdunin
Tlai tla êng thlirin kan lawm,

Tu dang ngailo a lengin
Hlimten zai kan vawr dun

Thlir nin awmlo Ngaihzual,

Mitkhap kar pawh i tello chuan,

Kumkhua a chang mai țhin,

Vanglai nun kan chên dun a,

Mahse maw run hmun lendun a rem silo,

Tihian ka dawn thin lungrukah

Kan hlimni leh lenlai zawngte,

Khuarei ala chang dawn si,

Ngaiin kan la au ang lunghnur chungin!

Mahse, Bawihte hei hi hria la,

I kiangah hringnun ka chhiar liam zawhloh pawn,

Chawrthlapui alo kai changin han thlir ta la,

Min dawn ve țhin ang che aw,

Hei chauh hi ka ngen ngam chhun che ani si.

ANNIE
(Benjamin Lalhmingliana + Vra Ngente)


Annie, hlimtea kan lenlai dawnin,
Ka dawnlungruk hmangaihna ita tih i hria,
Mahse țahkhua tisei tu mai ini si.
I nun khawhar chhiarpuiah chauh maw biahthu min lo hlan.

Kian zai ka rel theilo tih i hailo,
Vaukhân anka mai maw ka chan tawk,
Ka hun hlu ka pe che i awl hun hmandun nan,
Ka tan hun hlu i zuat silo.

Mahse ka tan rohlu chhawl ka țhuai san thei silo,
Ka hringnun țuankawngah hlawhtling ve maw tiin kian zai irel lo a,
Mahse beidawn mangang han tawh zet chuan
Kian zai relin min hnuchhawn ta

Ka demlo che a i hun thlan sel rual awmlo,
Nang ngaia rum lai min liamsan a,
Ka pal dai fo lungngaih mangan,
Mahse tun ang em  a thlaphan do daih a har.

Hlimin hringnun va chhiar zel ta la,
Mahse hei chauh vawng la aw Annie,
Nat thlen tur chuan lo kir lo la,
Ana tawk asin ka tuara vanpui chim hi.

MANGTHA
(Benjamin Lalhmingliana + Vra Ngente)

I hringnun zawhpui zel che ila,
I nun khua ka ti tlai dawn si,
Hmatiang sawnlo hringnun kan chhiar,
Phei then na tur vaiin,
Hmangaihna hi zual zel turin,
Țanfung a awm silo.

Kan kar hmangaihna ti vul turin,
Hun mawi a lang thei silo,
I pian a tlai kei ka hma si,
Tih chauh ka hrilh theih chhun,
Ka liam mai ta'nge,
Lengdang daltu mai nih ai chuan
Ka liam a țul si,
Thinlaiah i cham reng dawn zawng anih hi.

Hringnun lamtluang hlimin zawh la,
Hun lawm la tawng turin,
Duhsakna ka hlan a che,
I duhaisam leh tum pawh,
Khuanu pawmpui nise,
Fanau maltluan chawiin
Hlimtein leng ang che.

Luaithlinul bik lo la aw, mangțha le,
Khuatuah loh zawng țhenni a awm ngai e,
I hmatiang eng thlir pui che in,
ka kian a țul ani,
Nangnen lendun a rem silo,
Keizawng lungvawn ka nei tawh si.

*IH MAW
(Benjamin Lalhmingliana)


Kalsan kha itan thil harsa ani hauhlo,
I tello a anundan zel tur chhutin i khawngaih a, Kalsan mahla tun an demlo ang che,
mahse, kalsan nachhan tur tam tak karah kalsan lohna chhan pakhat lek vang a i kalsan lo hi i ropui asin, Hmangaihna dik tak ani.

Sawichhiat pawh a awm lutuk,
Midang bul a i nat thu sawi te,
 Natak a siam chein tleidang a kawp san zut che a,
Sawihnawm ni la tun an dem hauhlo ang che,
 Mahse, i fak ve ngat ngat hi i ropui asin,
 Hmangaihna dik tak ani.

Tap in tuar la a awm lutuk,
I na rei ve tawk ta a i tan tawrh a har zozai tawh,
Tap nila tun an dem hauhlo ang che,
Mahse, tap mai lovin chhel takin i ding a,
 Atan tun ai a tha zawk a inpho chhuah i tum lui tlat hi i ropui asin,
 Hmangaihna dik tak ani.*

KHUA HMUN LOH D
(Benjamin Lalhmingliana+ Vra Ngente)


Koh phakloh koin,
Suangtuahnaa ni hmangralin,
Chhingmitthla a nang hlimpuiin,
Kawla nî ka chhiar liam nitin mai dawn zawng anih hi.

Nang ngai lunglengin,
Min vei ve țhin maw tih dawnin,
Tawnni her tur thlir nitinin,
Kawla ni ka chhiar liam nitin mai dawn zawng anih hi.

Buan ang pawmlai dawnin,
Sakruang tawnni awm si lovin,
Nang ngaih chin lêm nei si lovin,
Kawla nî ka chhiar liam nitin mai dawn zawng anih hi.

Khua hmuna leng ni ila,
Hlimtein kan lengdun anga,
Nang ngai reng renga lungleng hian,
Ni ka chhiar liam biklo tur.