PATHIAN ROPUI ZIA(Lehkhabu hrang hrang chhiar a tangin)

Pathian ropui zia hi ka ngaihtuah ve fo thin a,a them pawh hi hrechhuak ve theilo mah ila kan hriat phak chin atang ringawt pawh hian a mak tih bak sawi tur a awm lo a,keini hriat ve theih tawk ah chuan a thil siam a tang hian a chiang ber mai awm e(Biology Subj ka la bik lo a ka hrethiam bik lo,lehkhabu hrang hrang a tang leh thian te hrilh chawpin ka ziak).
Kan taksa asiam dan hi han en ta ila,thil pawimawh pahnih a awm a 1.Bio Molecules[Lipid(fats),carbohydrates(sugar),Protein,Nucleic acids(DNA and RNA)] leh 2. Elements(calcium,potasium etc).Protein bik hi han sawi ta ila,kan taksa hian nunna a tan Protein a mamawh a,Protein siamtu amino acid hi han en chiang ta ila,amino acids 50 ai tam in combine khan protein a siam a,protein hi chi hrang 200 vel hi kan chheh vel ah hian a awm a chung zingah chuan chi 20 chauh hi nunna a tan a tangkai chu a ni.Cell chhungah khan a inzat chiahin amino acid kha ding leh vei ah a awm a chutah chuan veilam a mi chauh kha nunna a tan pawimawh a ni a chu chu isomer kan tih kha a ni.Protein molecule pakhat siam chhuak tur in amino acid te kha za chuang a indawt dik dan thlapin leh a inzawm dan dik thlapin a inzawm diat diat tur a ni a,a inzawm dan kha chhete pawn sual se cell nung a siam thei lo.Protein molecule pakhat siam mai hi a tawk a la ni lo fo a chutiang protein molecule 200 chuang a dik thlap a inrem a siam chu cell nung siam nan a ngai.
DNA leh RNA siam hi a hautak leh zual a,nucleus a nucleic acid kha chi hnih in an then a DNA leh RNA.English a alphabet 26 kan nei ang hian DNA hian chemical alphabet chi li a nei ve a Adenylate,Guanylate,Cytidylate leh Thymidylate te an ni.English alphabet 26 in words te,phrases te,sentence te a siam ang hian DNA units pali te hian cell in a hriatthiam theih turin words te,phrases te,sentence te siam turin a dik thlap in a inrem ve a a ni.Hetiang khawp a thil harsa leh dik thlap ngai a nih avang hian he kan taksa hi Darwin-a te sawi ang hian tihpalh thilthu a thleng thei ni in a lang lo a hetiang a dik thlap tur chuan siamtu tu emaw tak awm a ngai a ni.Darwin-an a theory a chhawpchhuah pawh khan helai hi a ngaihtuah thleng pha lo ni ngei tur a ni.
'Big Bang' kan hria a,hun intanna ani tiin tam takin kan pawm a dik pawh a dik mai thei.Engemaw vangin Big Bang kha a rawn thleng a Universe kha a expand ta a,kha mi a expansion a kha Stephan Hawkings an a calculate dan chuan kha expansion a thlen hnu second khat lek ah khan a expansion a kha second khat hmun 1/1000000000000000 lek pawn sual ta se Universe kha a puak dawn a ni.Chumi awmzia ah chuan kha expansion a kha a dik thlap a a thlen a ngai a,chutiang tur chuan thil engemaw vang a thleng palh ni thei a nilo,a thlen tir tu a awm a ngai ani.A thlen palh mai mai theihna chance hi awmlo tawp chu a ni lo a mahse a chance tlem dan chu heti hian sawifiah ta ila 'Sahara Desert ah khuan lungte te tak te thukru ta ila,chu chu mitdelin zawn hmuh tum ta se' chutiang vel ang chu ani a thil theihloh a ni.
Pathian ropui zia hi chhut sen theih pawh a ni lo a,zanah pawnah han chhuak ila han hawi vel ila a thilsiam te atang hian a ropui zia hi a lang chiang ber awm e,chuti chung pawn a them pawh kan hrethiam thei silo.Atheist lar em em Bertrand Russell chu a fanu chuan ti hian a chung chan a sawi a,"kapa khan a damchhung zawng khan Pathian a zawng a ni,dik tak chuan kapa nun khawhar tak ah khan nunruak a awm a chu chu Pathianin a luah khat thin a,thil dang luah khat tu tur azawng nasa a a hmu chuang lo" a ti.Heng zawng zawng ka ngaihtuah chang hian chuan chaklo te leh tlinglo te ni mah ila he hla hmang hian Pathian fakin ban ka phar lo theilo thin.
"AW,LAL PATHIAN I KUTCHHUAK THILSIAM TIN RENG,
DAWN CHANGIN MAK TIIN KA LO KHAT THIN.."

EARN IT
Captain John H Miller: " James,..Earn this,earn it"
He thu hi "Saving Private Ryan" film a a changtupa Captain John H Miller(Tom Hanks) an a thih dawn tep a Ryan a bul a a sawi tawi te sei zet si a ni.Indopui pahnihna lai khan fa mipa hlir pali nei Pi Ryan-i chu a fate pathum zet mai a chan a nikhat thil thu ah a fate thih thu lehkha pathum in a deng rual dawn a,a fate zing a la dam chhun Sipai Lumum Ryan a chu a thih ve leh mai an hlauh a vangin Abraham Lincoln a thupek in hruai haw tur in Captain John H Miller a hruaina hnuaiah sipai te an chhuak ta a nih kha.Harsatna tam tak an tawk a atawp ah Ramelle khawpui a Merderet River hmun a lei pawimawh tak vengin Sipai lumum Ryan-a leh a thiante chu an va hmu ta a,Ryan-a chu a unau te thih thu an han hrilh a hruai haw an han tum ngawt a a lo duh ta hauh lo mai a "ka unau neihchhun te bulah ka awm a ka hawsan na chhan tur a awm lo ani,ka nu pawh hrilh ula a hrethiam mai ang" a ti ta tlat si a,mihring an tlem a,hmanrua a chhia a,lei a pawimawhin German an hrang si,Miller-a leh a ho te chuan chu indona hmunah chuan do pui a ven him an rel ta ringawt a,an thih phah deuh vek a,a tawp ah an Captain pawh chu lei tihchhiat a tumna lamah an kap fuh a,Captain John H Miller-a thi turin Ryan a beng bul a thu a sawi hi tawi te "Earn it" tih te chauh mah nise thu tam tak a sawi a,damchhung a zir tur thu ril a sawi a ni."I nun hi a hlu a,i nunna a tan hian mi tam tak in an nunna an chan a,an hmangaih tak tak an nupui leh fanau te an kalsan phah a,i nun hi a hlut ang tak a hlu hian hmang chho la thawk chhuak rawh" tiiin dah ta ila.
Tichuan,nangmah hi han inngaihtuah ve teh,i nun pawh hi nuam leh hlimawm a i lo hman ve theih nan i nu leh pa ten theih tawp in an thawk a,sum leh pai an lo nei lo deuh a nih pawn kawl a ni chhuak chhiar tak meuh meuhin a bei ve asin,tin,an lo neinung deuh a miin an lo rel in eiru te an lo ti thin a nih pawh in tumah hi nulat/tlangval lai a sum ngaihtuah a ei teuh teuh peih an awm bik lo,an lo diklo deuh a nih pawn i lo nawmsak ve deuh nan bak an ti bik lo asin,zu leh sa ah an lo tlan ve anih pawn a chhan hrelo in i dem theilo,an siam nawm theih loh che vang a rilru hah em em pawh an ni ve thei,rilru hah hian tlanchhiatna tur kan zawng thin a a then an inkhel vak a,a then kohhran ah an inhmang vak a,a thenin hna an thawk vak a,a then in drugs,a thenin zu lamah,kan rilru hah vang a tlanchhiatna hi a in ang lo mai chauh thin a ni,a chhan hrelo in i dem thei miah lo.Mi ai a i mawi loh in a rukin an tap thin a,i lehkha zir theih nan an neih zawng zawng an hmang ral a,sum neih loh vang a an indawm kun zan zo zai te hi i hrethiam phak lo,krismas hi i tan hlimna hun leh thil thar neih hun a nih lai hian a ruk a an tah hun a ni a,i nat hian an na a i hlim hian an hlim a ni.Heti khawp a an nun zawng zawng hlan a buaipui tu che leh hmangaihtu che an la awm vang hian i nun hi a hlut zia ngaihtuah nawn fo la,i seilenna khwvel hi a nunrawng em em a beidawnna te i lo tawng ve thin a nih pawhin khawlai a kutdawh mai mai pawn an nun khawchhuah theih nan theih tawpin an la beih hram hram peih chhung chu i fight loh bik na tur chhan a awm lo a,i nun beidawn vang a he khawvel sual lam a i pen thui dawn a piang in he thu tawi te hi ngaihtuah thin ang che "Earn it" tih te mai hi.

GOD and LIFE

Nikum kum tawp khan Message ka dawng nawlh a " Kapu,lehkha zir ve ka duh si a,in hnen atang khan ka lo zir thei a ngem?Nikumah chhungkaw harsatna a vangin cl-10 ka zawm theilo tawh a" tih a lo in ziak a.Kan inbia kan in be ta a lehkha zirtur chuan a rawn zin ta a anau cl-9 zirtur hi arawn hruai tel a,mipakhat in keimahni hi a lo kawh hmuh a lo ni awm e.Ka hmuh tirh chuan an pawr chep a ka khawngaih ve hle a tichuan admission te kan han tifel a kan hnenah chuan an awm ve ta rawih a.Tunlai hun a Unau ka hmuh ve tawh ah chuan an inhmangaih in an la fel ber awm e.A rei tulh tulh a keini chhungkua chu min enkawl hi a ni ta zawk ngawt mai a,min mamawhna ai chuan kan mamawhna hi nasa tak a ni.

Mahse,khawvel hi kan duh angin a lo kal diak diak lem lo a kar hnih lek kal ta mai khan annu chanchin kan hria a thih ngam in Aizawl damdawiin ah an lo phur phei a,a U zawk chu enkawl tura kal loh theih loh ani ta.Annu ber lah chu a tha dawn a maw tiin damdawiin atangin an chhuak a an han hawpui a Thenzawl an thleng hman awrh a damdawiin ah na takin a bawksawp leh a anau zawk pawh a phei a ngai leh ta mai,annu berin eizawnna a tih theih tak dawn loh avangin school chawlhsan turin thutlukna an siam a ngai ta der a.Zanin a kan han inthen tur chhung inkhawm kan nei chu ka ngaihtuahna ah a lut nasa ve hle a,"Life hi chu a van fair lo em" tih te,"Engati bik kher nge?" tih te rilruah arawn lut zut zut a zawhna hlir zawhna hlir ani.Zanin chhung inkhawm kan han nei pawh helai zawhna hlir hi rilru ah a lut a, dik tak chuan chhungkua ang mai a kan lo in en hman vangin hnuk pawh a ulh ve a tawngtai pawh ka tui thei meuh lo.Kan han zo meizial zu pah a ka mu mai mai chuan ninhlei thil thu liau liau ah ka bul hnai a lehkhabu chu kan keu mai mai a he thu in ziak hi ka zuk chhiar fuh pek a " We tend to think,Life should be fair because God is fair,but,God is not life.Do not confuse God with life.Learn to see beyond the physical reality in this world to the spiritual reality"(a mizotawngin ka let thiam lo).Ka harh hawk mai.

NEI TAWH,NEI MAI TUR LEH NEIH LA TUM HMU RIH SILO TE TAN A THURAWN:
PASAL NEI TAWH TAN:
(1) Tunlai hun ah kan buai tlan vek tawh a vangin awmpui hi neih loh theih loh a nihna chin a awm ta,awmpui lak dawn hian nuber tan fin thiam a tha.Hmeltha deuh te hi awmpui a tan lak duh reng reng loh tur,paber hi choka a nalh zet zet a eirawngbawl lai vel a thut zin viau a awmpui te an in tih thu tulh tulh chuan buaina a in mung chho tan tihna.
(2) Pasal te hi zungawl vei an nih tawh chuan nghei tir a harsa tawh a an in zeuh zeuh tan tirh lai hian fin chhuah a tlai dar thum leh a chan ve(three thirsty) vel a tang hi chuan thil ei tir teuh teuh a hrai puar thin a tha,zu in tan tirh ah hian puar sa ul in kan in theilo deuh vek a zu chakna a tibo.
(3) Lungawilohna leh thinrimna deuh neih hian mahni chhungte zawk hi hrilh lovin pasal chhungte hi hrilh daih a tha.Kan chhungte lungawilohna kan hrilh chuan min lo thinrim pui ve a thu eng engemaw an lo sawi ve a buai a tam,nupa chu kan inhmangaih a engtin pawn in ti ila kan inngaidam a kan theihnghilh vek mai zel midang an lo tel ve hi chuan ser a awm tlat thin.
NUPUI NEI TAWH TAN:
(1) Makpa hi chihnih an awm a makpa vawk talh chi leh makpa kawrchung ha chi.Makpa vawk talh chi ho hian thil tihkhawm nikhua hian hna hautak zawng zawng an thawk a an hming a lang chuang ngai lo,makpa kawrchung ha chi ho hi chu tlai tawk ah an rawn kal a an kawk kual zat zat a fak an hlawh ber zel.Makpa kawrchung ha chi hi nih ve hram tum tur.
(2) Hmeichhia hi kan thiamna reng pawh nise vuak chuan mipa te hi a thiamlo zawk leh mualpho zawk kan ni zel, chuvangin, thin a rim viau chuan nupui te hi sih ngar ngar tur,han tlan pawh nise min sik a tih ringawt kha chu an chhungte pawn ho an lo ti ve a an hauh hrep hnu ah an lo tir haw leh zel.
(3) Nupui ngamlo nih te hi thianten min fiam a a nuamlo ve thei a thisenin a ngam miau loh chuan te zawk leh chaklo zawk pawh nise a tihngaihna tak a awm lo.Nupa hi a mak khawp a inneih hlim a in tir hmasa zawk zawk hi kan in tir kumkhua mai a chuvangin inneih zan hian thluak hman a tirh char char tur,duat hi chu a hnu lamah fe,a tir a duat hliau hliau hi a fuh lo duh zek a nia.

MI ZIAK NALH TIH
LAWRKHAWM


I have always been looking for love.Real love.Ridiculous, inconvenient, can't-leave-without-each other kind of love.For once I am finally here but only to be reprimanded by Time. I may be few years shy of the right timing nonetheless I love you with my every being~Note to a certain someone

There are infinite numbers between 0 and 1. There's .12 and .112 and infinite collection of others. Of course there's bigger set of infinite numbers between 0 and 2 and between 0 and a million. Some infinities are bigger than other infinities. There are days many of them when I resent the size of my unbound set. God, I want more numbers of than I am more likely to get, more days than with you. My Love, I cannot tell you how thankful I am for our little infinity. I wouldn't trade it for the world. You gave me forever in the numbered days and I am grateful....The fault in our stars


Life throws you with options each day and every moment you get to choose.But there are few things of which you are denied of choices. Such as whom you fell in love with,you just fell for the most unexpected person at the most unexpected places.You are caught so off- guard that you fell hard, real hard.And even when you know its wrong, you dont want to be right and you are on an emotional high and everything seems great . Then one fine morning you suddenly come to your senses.You curse the stars, the moon and such.You think how something so real and so perfect could be confounded out of your hand. And you want to sink to nothingness....Today is a day as such but I NEED YOU

MIN HRIATPUI LOH HI A LO AWM LO

Ka tleirawl hlim te in ka kut zungtang pahnih hi thlan laihna ah lungin min delh a a sawp vek a.Doctor-in tan a tha zawk ang a ti na a kanu'n a phal tlat lo a,khang hun lai a tang khan ka rilru ah zeng ang deuh a inhriatna ka nei thin.Tun thleng hian a che thei ve ta lo a,a chang chuan a kham em em thin a,a chang leh a tur a,hetiang a ka kut kham em em a a awm chang hian ka rilru a rawn lang thin chu Lal Isua pawh kha Kross ah khan zeng ang mai a cher beh a lo ni reng mai tih hi a ni!

Roman ho hruihrual hmawr ah khan thir hriam an dah thin a,kha mi hmang khan vawi 39 ai tlem lo an han vua a,a thler duai duai dawn a,thisen chhuak nasat a vangin 'hypovolemic shock' an tih mai ang hian a awm dawn a(hypovolemic shock ah chuan lung kha a in pump nasa a thisen awm silo kha pump a tum a,BP a ti hniam a,an chau chhe der thin,kal in zun a siam theilo a an tui a hal ngawih ngawih thin).Isua pawh kha mi a vang khan a kross put pawh chhawk a ngai hial a nih kha.Kross a khen beh ho kha an ban rek ah(kut phah a an khen chuan an rihna kha a dawl dawn lo) perek 5/7 inches velin an han kheng a an ke ah an kheng bawk a a na lutuk khan thawk a ti harsa a thaw lut reng angin an han awm a thawchhuak tur chuan an ke tih san a ngai ta thin a.Sabbath leh Kalhlen kut vangin sakhaw hruaitu ten nitlak hma athih tir an duh thin a an thawk that theih loh nan an ke an vaw tliak ta thin.Lal Isua erawh a na tuar kha a namai lo em a abul a mi pahnih te ke an vuak tliah khan a lo thi hman.
Lal Isua an khen beh khan a taksa rihna kha a ban in a dawl lo a a dar ruh a pelh lo theilo a(Sam 22),a hnung zang a thi khir uaih kha Kross ban nen a han inchar anga a ban a pelh a vangin zeng angin a che thei dawn silo..kha Kross ler ah khan hrehawm ka lo tihpui thin zawng zawng zeng ang mai a che theilo nihna te,hnawl leh phatsan nihna te kha a lo tuar ve vek nia!! Lal Isua meuh pawhin a Kross kha rit a ti ve a zo leh zo loin a lo pu a,rit tiin a tlukpui chang a awm a,achang leh putchhawk a ngai a,Isua pawn zo leh zo lo a aput tawk tawk kha keini tan a zang dawn lo,he kan Kross put mek hi a lo rit viau a bawkvak tawk tawk a kan kalpui a nih pawn kan kalsan nachhan tur hi a awm bik lo a ni.

GRACE

Kristian te hian mak na deuh kan nei a,misual leh thil tisual thin,Pathian khawngaihna mamawh vek kan ni na a kan thil tihsual ang ni lo a thil tisual ve tho hi kan ngaitheilo theuh nia!Sum leh pai a rinawm biklo in zuin mi a ngaitheilo a,zuin mi lahin a lo ngaisang bik lo.sex a chesual ve fo thin in uire te chu a hmusit ve a,dawt sawi hrat in kutkem nei a ngai thei bik lo a hetiang hian kan ni chhawng duah nia, a nuihzatthlak lai deuh chu kan zavai hian tlinglo leh sual,khawngaihna mamawh leh han chapo bik tur awmlo theuh kan ni lawi si.

Police hna lakna turah 10m thui zawng a zuan a ngai a,pakhat chu a thei fal deuh a 9m a zuang a,a thenin 2m lek te, 5m te,7m te an zuang a.Anmahni theuh intehna a tang chuan an inthlau hle a 9m zuang phei hi chu a induh larh ang.Mahse,a tehna dik tak 10m atang a teh thung erawh chuan tlinglo,tlinglo..vek an ni tho mai.Kristian te pawh hi keimahni theuh hi kan han inteh ve a,a then te phei chu chaklohna te an lo nei nasa deuh a kan hmusit ru mai thei,mahse,a tehna dik tak Lal Isua atang chuan 'tlinglo,tlinglo' kan lo ni vek tho a,khawngaihna a vang a chhandam ve mai mai theuh kan lo ni vek mai.Khawngaihna tello hian engmah kan lo ni lo e.
Kan felna a vang a Pathian hnen thleng tur hi ni ta ila,mi thenkhat chu piantirh atang a kutkem nei te,mawngkawhur leh lesbian an genes avang ringawt a nisa te,a then phei chu an naupanlai a pawngsual tawk vang a hur hlen te an lo ni a,felna vang a Pathian hmuh tur ni ta se heng ho tan hian chance pakhat mah a awm dawn lo,Pathian khawngaihna ah hi chuan an leng vek lawi si!Khawngaihna hi a va lo ropui em!

BEISEI BO



Keanu Reeves channa 'A walk in the clouds' kha ka en a rilru a va khawih em aw.Keanu Reeves kha pa a nia a changtunu lah kha rai lai a la ni zui,hmangaihna luipui kha an tum loh deuhin an hleuh dun kha a ni a an dinhmun kha a va khirh khan em.Dik tak chuan he khawvel a reilo te kan khualzin chhung hian hmangaih em em hi kan tawng zen zen lo a,kan han tawn lah hian kan innei vek lem lo a.Heti chung chung hian Pathianin min siam dan ropui em em chu kan duh ber leh tha ber hi han nei lemlo mah ila a hnuhung a piang hi duh ve mai thei turin min lo siam hi a ni.A chang chuan kan mi duh em em hi naupang te kan nihin kan han tawng a kan duhna pawh ti lang ngamloin kan han chan a,a chang leh tlaikhawhnuah awmzia a awm miah tawh loh hnuah kan duh zawng em em kan han tawng leh lawi a..aaa,tumah hi lo indem ngawt tur pawh a lo ni lo e,kan hun tawnin a zir lo a ni ve mai.Film a ni na a mipa nupui nei lai leh rai lai an han intawng a,eng ang a hmangaihna nasa pawh an karah tlazep mah se hmabak a tawp em em mai ringawt tur kan ngaihtuah hian ngaihtuah a ti thui ani.Mihring hi kan inhmangaih hian chhan neiin a ni thin,a then chuan Pasal a tan officer leh chhungkaw nuamsa a siam thei an nih vangin an hmangaih a,hmeichhia te hian security an mamawh vangin an demawm hran lo,a thenin chhungkaw tha deuh nih vang te leh chhan hrang hrang vang tein,dik tak chuan nupui pasal ah ngat phei hi chuan min siam nuam theitu tur hi kan zawng thin chu a nih hi.Pawmlai nei emaw Pawmlai neiin emaw mi an hmangaih ngat hi chuan an hmangaihte lakah beisei tur a awm lo reng reng a,hmasawn tur a han kal leh ngaihna a awmlo,a tawp em em ringawt mai a,engmah beisei tur leh hmabak pawh awmlo a mi la hmangaih ve tang tang theihna tluk a chiang hi enge awm bik chuang ang aw tiin min ngaihtuah tir nasa hle ani.

LETTER TO ZONUNMAWIA

To,

Ka nau duh tak,

Zonunmawia,

Tun tum MCS ah hian tling satliah mai pawh nilo a pahnihna hial ini hi a ropui ka van ti em!Hlawhtlinna hi i vanneih vang a lo kal ngawt ani lo,i phu tawk i thawhchhuah zawk a ni.I nun ah hian i rilru tluanna tih loh hi chu awh tur em em a awm lo mai thei,zir tur erawh a khat tul a,thalai naupang zawk te hian entawn se ka ti a ni.

He i hlawhtlinna hi awlsam tak a rawn thleng burh a nilo a,vawi tam tak hlawhchhamna kar a i beidawn duh lohna rah anih hi,tun tum MCS tling zingah hian nangai hlawhchham nasa an awm miah lo ang tih ka sawi ngam,i fresh ve lai leh i hun tha zawng zawng ho takin i hmang ve a, hna i zawng mumal lo a,tlai khawhnu ah i thar thawh ve chauh a i rilru pawh a hah ve anih kha.Exam hrang hrang ah Interview a i tlak zel khan tumkhat 'inawhhlum chiah hi ka rilru ah a lang tawh' i tih te pawh kha ka la hre reng mai,khang hun te kha i tan chuan a la ngaihawm hle dawn ani.Aizawlah nupui fanau kalsanin couching kan han kal dun a pawisa pawh kha vawi thum ngawt kha kan nghei dun ania,pawisa kan nei tawh silo kan neihchhun hi peipunna zawng mai ang kan ti a sunday a Dospati pui tur kan zawn te pawh kha i hlawhtlinna ti hlu tu vek hi anlo ni ta.

Pathian that zia hi ngaihtuah nawn fo la ka duh,i rilru mangan tawpkhawk khawlaiah pawh hawi chhuak ngamlo a hnuai lam bih zel a i kal lai in a tiphur tur chein AE hna councilah a pe che a,MCS hi exam pawh i tum tawh miahloh laiin nikum a i thianpa tlingin a tiphur che a i exam ve leh a,i kawng hi Pathianin a buatsaihsak liau liau che ani.I theihna leh thiamna te hi he kan Lai hnam tan hian pe zel ang che.Puitlinna hi kumin a hril ngawt lo ang hian thil ropui tak tak ti tur hian tlangval thaza rual nih kher a ngailo,i ram tan hian i inhman duh phawt chuan tuna i kum leh nihna ang kha a tawk em em a ni.

I u,

Bena..

MAWIA HNENA LEHKHA THAWN

   
Ka nau duhtak,MCS ah te ilo inziak tlingin pahnihna hial ilo nih takah chuan i tan thil thar vek a ni dawn a awmdan tur te hi ilo hrelo palh ang tih ka hlau a thurawn tlem MCS tling thar ten an tih ziah kan pe ang che...

Vawiinah i inkhawm ang a Wills Navycut leh kuhva hring Rs 20 man pai ngei ang che,i zuk em em tur chiah poh a nilo a mi i theh kual tur ani.Kohhran upa ho thutna ah bek mipui vantlang chhawn zawngin i thu ngei tur ani,i bawp i khawkherh ang a i phut hlarh hlarh ang,note bu te ken theihnghilh lo la ziah tur i hriat lem loh pon a khat tawk a phawrh deuh fo tur.Thusawi lak lawh lai a lu lo buk nghauh nghauh kha tih makmawh ani,thusawi tha lai deuh a AMEN ring pawl nih kha a zahthlak tawhlo ania.

Inkhawm banah biakin kawt ah Navycut i kheuh hawng ang a tui tih hmel deuhin i hip vang vang ang,mi i be hmasa tur ani lo a biak tum che an rawn in hawr luih luih dawn avangin a langsar lai a awm kha a fuh ang.

I dul ti kiar tan la Badminton i khelh ngei angai,thiam tum a ngai tawhlo sa i hmeh zin dawn tak a vangin zunthlum ven nan leh intihpui nan a tawk.Pu Zoramthanga CM lai khan a vuak tuman an la theilo,nang poh hi MCS inih atang hian i vuak a na sawt dawn.

Lukhumparh leh Sunglass i mamawh dawn,chemte mawi deuh zinna a pai tur nen,Aizawl i kal veleh lei nghal ang che.Thil sawi teuh tun atang chuan tum tawhlo la i thusawi apiang thufing anih dawn tawh avangin muang ban deuh a tlemte sawi a tawk,fiamthu thiam ini nghal der tih hre reng bawk la i fiamthu thawh apiang a uar deuh a nui tur i Staff te an awm dawn tawh avangin nangmah inuih chiam a tul tawhlo ang.Amaherawh chu hei hi hria la,pute nei ve tho tur i nih avangin pute bul a nuih dan tur hi chu i u Samuel Ramdinthara bul a i zir leh deuh angai dawn ani...I kal zelnaah duhsakna ka hlan che a,poimawh dang chu a tahtawlin ka la hrilh zel dawn che nia..
   

RETHEI THILPEK

Krismas kan lo chuang chhuak leh dawn ta reng mai.A mimal ang te,a kohhran ang te,chhungkua leh thian zaho ang tein Lal pian champha lawm turin kan inbuatsaih leh tan ta mek a,kan inbuatsaih dan leh rilru sukthlek erawh a inang lem lo.Nu leh Pa te chuan engtinnge fate thawmhnaw kan leisak ang tih te kan ngaihtuah naah a lut a,thalai te lah hman nawmloh hlau reng reng in a phibuai a,he krismas hi kan hunpui ber a nih angin a naupang ber a tang a puitling thlengin min khawih danglam deuh vek a ni ber e.

Hetiang a krismas atan a kan inbuatsaih mup mup lai hian kan rilru ngaihtuahna chhungril ber hian " Riangvaite,Hmeithaite,Retheite" hnen hi a thleng em le?Keinin krismas hlim tak a kan hman thin lai hian thenkhat chuan kum tin he krismas hi mangang em em in an lo hmang ve mek a,mei eng en ngawih ngawih bak beisei tur dang neilo hi kan chheh velah hian tam tak an awm a ni.He krismas chhung hian thawmhnaw thar leina chu sawi loh buhfai leina tur pawh neilo hi tam tak an awm a ni tih hi i theihnghilh lo hram ang u.

Bible a Prophets ho bik te hi ngun tak a kan en chuan Pathianin sual lian tham a tih deuh deuh kan hmu a,chung te chu-- (1) Milem biak (2) Uire (3) Mirethei ngaihsak loh te an ni.Milem biak leh uire te hi chu kan ngai pawimawh viau na a mirethei ngaihsak chungchang erawh kan ngaihthah deuh niin a lang.Thilsual ah phei chuan kan ngai lemlo vek a ni awm e.

Isaia 1;23 kan en chuan khang hunlai a lalte leh thuneitu ten Pathian rilru an tihnat na em em chufahrahte,hmeithaite leh retheite an ngaihsaklo kha ani.Pathian rilru luah em em tu te chu mirethei hnehchhiah te,fahrah te,hmeithai te an ni,khang ho ngaihsakloh kha rukru te,uire te leh milembiak te nen angkhat rengin a dah a ni.

Sodom khaw sualna te hi kan sawi fo thin a.'Homosexuality' a ni e te kan ti thin,a nih pawh a ni ngei mai thei e.Mahse Pathianin sual a a puhna ber hi enge ni ang le?Ezekiela 16;49 kan en chuan " Sodom sualna chu hei hi a ni - a chapo a,eitur a ngahin a fanute nen nuam an chen der der a,rethei leh mangangte an chhawmdawl ngailo a ni" a ti.Homosexuality chungchang a sawilang lo.Pathianin hetiang hurna te hi a duh miahlo tih chu a chiang reng mai,mahse,Pathianin an sualna a apuh ber kha chu 'rethei an ngaihsaklo te,nawmsak an thlahlel te,an tisa lutuk te leh mahni hma ansial lutuk te kha ani.Khatiang ang hnam nunzia khan hurna kha a kengtel mai zawk a ni.

Kan kristian nunah hian kan thil tihsual lam chungchang a inzirtirna hi chu a tha tawk viau a,kan tihloh sual lam hi kan hlamchhiah deuh niin a lang.Engtikniah emaw chuan Lalpa hmaah hian kan la ding dawn a,chutih hunah chuan "heng ka mite ber chung a i tih loh hi ka chung a tilo i ni"min la ti mai ang tih a hlauhawm khawp mai.He kan dam chhung la la pawh hian mirethei te kan hlamchhiah a vangin kan hriat lem loh in anchhia nasa tak kan dawn phah thei tlat a ni."Mirethei thil petu chu a tlachham lo vang a,maimitchhinsantu erawh chuan anchhia nasa tak a dawng ang"(thufingte 28:27).

Bible chuan "rethei khawngaih hi Lalpa hnen a puktir ang a ni,i thiltih ang chu a rul leh ngei ang che" tiin min tiam a ni.Rethei te hnen a kan pek hian a thlawn a pe kan nilo a,Pathian kan puktir mai a ni.Tun krismas ah hian kan bulhnai lawk ah keini ai harsa tak tak an awm leh dawn,a then chu thawmhnaw hak tur nei miahlo te,a then chu chaw chhum tur neilo mei eng en ringawt te an ni ang,a then chu nu leh pa pawh neilo mal ngawih ngawih te an ni ang,group member tin hian a mimal ang te, a pawl angte,kohhran thalai angte hian tih theih engemaw tal neih ve tum in tan i la tlang theuh teh ang u.

(Mirethei authawm a beng chhungawng chu,Ani pawh a au vang a,nimahsela ngaihtuah ani bik lo ang.Thufingte 21:13)..(DEREC PRINCE)

ZAWHNA HMASA BER

Engtik ni ah emaw chuan kan la boral anga vanah khian Lal Isua nen hian kan la intawk ngei anga hmangaih leh hmangaih han in hmu ta chu thil sawi tur hi kan in chuh nak nak in ka ring thin.Zawh tur tam tak he lei a hriatthiam loh hi ka nei a ani pawh hian zawh tur a neih ve nual ka ring.A chang chuan ka ngaihtuah a eng ber hi nge Isua hian min zawh hmasak ber ang aw tiin ka ngaihtuah thin.Amah ber hian engmah asawi si loh avangin enge a ngaih pawimawh ber a min zawh hmasak ber ang tih hi chu ngaihruatna nen deuh a chhui a ngai ta.Mi reng reng hian kan thih dawn trep ah hian thu tam kan sawi theih tawh loh avangin kan ngaipawimawh tawp hi kan sawi thin a Lal Isua pawh hian a thih dawn a asawi hnuhnun ber hi a ngaih pawimawh ber anih hmel..chu chu "Khawvel zawng zawngah kal ula thilsiam zawng zawng hnenah chuan chanchintha hi hril rawh u" tih ani.Lal Isua nen kan intawh hun hian "ka thu chah che kha ilo ti hlawhtling em?" tih hi min zawh hmasak ber ka ring ta.I insak kha i zo hman em? Pawisa engzat nge i khawl? Biakin in sa lian tha maw? tih vel te hi chu min zawt em dawn amaw ni aw ka ti.Keini ho ang han kawh tur pawh nei ve lemlo chu Vanram ah pawh hian 'Slum Area' deuhah kan inhnawh khawm ve anga kan ropui teh ual dawn lo hle ani.Kut ruak mai a han kal ve chu a huphurhawm viau ani.

NUPUI TE MAMAWH

NUPUITE MAMAWH
Nupa nun hi tu tan mah hrefal a awm theih loh a kan in zir mek hlawm vek a he kan damchhung hian kan zir zo kher lo mai thei leh nghal,chuti chung chuan Pa tam takin nupa nun a kan hriat sual fo thin te nia lang hi inthiamlo deuhin tlem kan sawilang teh ang:
1.NUPA NUN HLAWHTLINNA HI KHUM A IN TRAN A NI BER LO.
Pa tam tak chu hah takin hna kan thawk a kan haw a biak hleihtheih loh in kan awm a,biak leh kawm pawh kan theih loh a,zanah zanlai thlengin TV kan en a chutah bed roomah kan lut a kan nupui te kan han hrawm ta bawrh bawrh thin a.Mipa anglo takin hmeichhia hian nupa nun hlawhtling nei tur hian khum pawn lam a hmangaihna leh lainatna te an mamawh tlat! Nileng a anpa nen an inbiakna leh inpawhna hian zan a khum a an nupa nun thui tak a hril tlat ani.Sexuality leh affection hi hmeichhia ah hian then hran theih a ni lo.Entirnan nupuite rin loh deuh a present pek thut te,pangpar pek te,fate han infiampui te,hun fianrial a date te hian hmeichhe nupa nun a tihsan theih laiin hrawk vak vak te ,sawisel leh thildang ten a chhe zawngin a khawih danglam daih thei.
2.TITI DUN HIAN NUPA NUN NASA TAKIN A NGHAWNG
Chawei lai a han titi dun ten,thutthleng a inpawh tak a han awm te hian hmeichhiaah an nupa nun a nghawng daih thei nia.Hmeichhe tam zawk hian mipa angin sex ringawt hi pui berah an dah hauhlo,inpawh tak a kawm theih te hi zu ngai pawimawh zawk mah a! Hmeichhe pakhat phei chu a kawppuipa kha pa theilo a nia,mahse,hmangaihna tilangtu,inpawh tak a a titi pui theihna leh a milna kha thildang aiin a dah sang zawk daih a midang aiin a duh zawk."Hmeichhe tan chuan hmangaih ni a inhriatna te,duat nih te,titi te hi sex aiin zu pawimawh fe a!".
3. A VAWRTAWP
Mipa tam ber hian khum a avawrtawp thlenpui hi pasal tha nihna ber ah kan ngai,hei vang hian a vawrtawp thlen tir kha sex hman apiang a kan 'goal' ber ani zel,a vawrtawp thlen hi thil pawimawh em em ani na a Goal-oriented sex anih tawh chuan a hlimawmna abo tlat tawh thin,hmeichhia pawh an hlauthawng a mipa an hlauthawng bawk a anuam thei thin lo,pasalte leh mahni atang a pressure a awm khan thil anih turin a nih loh phah a,dik tak chuan sex hman apiang a avawr tawp thlen kha hmeichhe tan thil theih ani der silo.
4.SEX HMAN ZAWH A NGAIHSAK HI HMEICHHE TAN A PAWIMAWH HLEI HLEI
Hmeichhe tam ber chu sex hman zawh hian an khawhar thin.Hmeichhia hian sex hman zawh hian ngaihsak an mamawh a,mipa tam ber chu kan hnar nghal a ni mai zel a an khua a har thin ani.Mipa te kan muhil lo theilo a nih pawn kuah tal hi a tha khawp mai.Sex hman zawh hi hmeichhe tan a poimawh a,hun engemaw chen chu thildang ngaihsak lo a ngaihsak an ngai ani.He hunah hian thil sawi tur pawh fimkhur a tha.
5.INKUAH,INFAWH,INCHUL
Hmeichhia hian romance,inkuah,infawh,inkaih,inpawhna te an mamawhin an duh a mahse hmeichhe tam tak hian khumah lo chuan heng hi an dawng lo!.Heng hi sex hman dawnah chauh nilo a hmeichhia ten an mamawh ani.Mipa ten duat tak a nupui te sam kan chul ringawt pawh hian thu nasa tak asawi thei.Mipa te hian Hmeichhia ten min hmangaihna an tihlanna hi kan thawmhnaw an suk te,eirawng an bawlah te hian langin kan hre mai thei,hmeichhiaah erawh "ka hmangaih che" tih ringawt te,kuah a duat ringawt te hi a tawk fu thei ani.Kan nupuite nen kan inzawmna hi relationship zawng zawng a pawimawh ber ani a he relationship hi inpawlna piahlamah induatna te,inkuah te,infawh te,hunfal insiam te etc a kan chawm len a pawimawh em em ani.

DODALNA KARA HNEHNA CHANGTU HAHCHAWLHNA

Kristian sakhua awm tirh atang a 1800 vel thleng kha chuan zu hi Pathian thil pek,hahchawlh nan leh hlim nan a hman leh ngaih a ni a,19th century chho ah khan ngaihdan thar a rawn awm ta a;mahni inthunun tur tih leh khap bur.He ngaihdan chi thum hi kritian sakhuaah hian a bet ta reng a,a dik ber pawh a hriat theih loh a,a lar lo ber khap bur pawh hian Mizoram pawh min nuai ve a, kan hnam la naupan vang ani pakhat.Zu hi bibleah khawi laiah mah hian sual angin a sawilo a,warning erawh min pe nasa.In ruih chuan thil in tisual palh thei tih ang velin.Naupang hnenah," Chemte kha khawih suh,a hriam ania"kan han ti a,chemte kha sual a ni tihna lam nilo in i inti palh ang kan tihna ang vel ani.Tun hnai ami miropui ho Luthera te Calvina te, Knox, Zwingli te ho pawn hahchawlhna leh hahdamna ang hian an ngai tho,Calvin phei chu a kumtin hlawhah zu barel sarih an telh thin kha.Mihring piang tawh zinga ropui ber Johana chuan a inlo a,Pathian fapa erawh chuan a in a, a in mai bakah zu heh mi an la ti zui.Inneihna a wine a tih pun te kha kan chhut thin a,an siamsa a zawh hnua a tihpun kha Lungtuibel paruk,tin nga emaw tin sarih emaw vel theuh anih kha.Mi sangnga leh sangli a hrai tum te  kha chuan a bangnawi zat  a sawi zel a,hetah hi chuan a bang a sawi lang lo,a tam ve lutuk a rui deuh te an awm ve a ngem aw ka ti! Tichuan,vanramah kan la in ho tur a la sawi deuh deuh.

Zu that lohna sawi hian tan chhanah Bible chang 1 Korinth 6:9,10 a " inngaih hmangte,milembia te,uire te,mihur te,mawngkawhurte,ruk hmang te,duham te,zuruih ching te,mi deu ching te,hlepruk chingte chuan Pathian ram an luah lo ang tih hi kan hmang fo thin.Bible kan chhiar hian chang khat chauh chhiar a lak vawng hi kan ching ve bawk a,a dawt chiah changah khan "In zing a thenkhat chutiang mi chu in ni thin a;nimahsela,Lalpa Isua Krista hmingah leh kan Pathian thlarauah chuan thenfai in ni a,tih thianghlim in ni a,thiam chan tir in ni tawh" tih hi kan hmuh hmaih thin ve bawk ani.Tunhma khan vanram luah tur hian Mosia dan zawh famkim a ngai a,tumah thei kan awm loh a vangin Isua a rawn kal ta a.Isua thisen hi a va tawk em! Thuthlung thar hunah pawh khing vanram kailo tur list zawng zawng khi bawhchhe mahla Isua thisen a tawk leh mai.Tin,uire, tualthat, hlepru, inngaih hmang etc zingah vanram kai chiang tur Bibleah kan hmu tam em mai.

Noa zuruih te kha zu that lohna angin kan sawi thin a,khatah pawh khan chhiar zawm ila, Noa ruih kha hrem emaw a ni lem lo,a ruih advantage a lo la a lo hmusit tu a fapa naupang ber kha chu a thlahte thleng a hrem a ni.Tin,Habakuka 2:15 a "A thenawm hnen a zuin tur pe tu chu a chung a pik e," tih pawh hi zu zawrh leh pek thatlohna angin kan sawi thlazen a,zu zawrh lam a kawk lo in a lang.A dawt chiah changah hian a chhan a in ziak hetiangin" Nang a saruak hmuh theih nan a in tur chawhpawlh a tirui tu chu" a ti.Hmeichhiat mipat hman duh vang a mi hrai rui tu chung chang a ang zawk.Hetianga kan ngai dawn anih chuan Lal Isua khan a tipung a midang a pe ve tlat.Engpawh nise mi ruih lai nang ching a lo bawl vel tu hi Bible hian a duh vak lo a nih hmel.

Isaca'n Jakoba mal a sawmna meuh ah pawh khan "Buh leh Uain(tirosh) nei thur thur ang che" a ti a.Hetah hian "Tirosh(new wine)" a hmang a thenkhat chuan 'Tirosh' hi grape juice ang a nia a ruih theih loh an ti a, mahse, Hosea 4:11 ah chuan "Hurna te,Uain(Yayin) te, zu(Tirosh) te hian thinlung a hruai bo thin" a ti a,a ruih theih loh a nih chuan hetiang hian a thawk thei lo.Malsawmnaa hman daih asin.Tin,Sam 104:15 ah chuan Zu hi intihhlim nan a Pathian pek angin asawi a heti chung hian engtin nge zu hi chhe lai let der leh sual bul ang hian kan chhuah tlat aw ka ti.Bible sawi loh ang hlir hian mahni mum mum hian kan mum ve a nih ber hi.

Zu hi hman sual theih tak chu ani.1 Korinth 11:20 ah khan Korinth khua a mite pawn an lo hmang sual ve a Lalpa zanriah eina ah khan a then an rui a,kha tah pawh khan Paula khan mahni in theuh a ei a in turin a ti mai!Lalpa zanriah zahawm tak a kalpui tur khan a duh tih asawi mai,zu kha sual ah a zuk dah lo.Amaherawh chu hman sual theih a nih a vangin Rom 14:21 ah te chuan "Sa ei te,zuin te,unau tluk theihna reng reng tih hi chin loh a tha a ni" tiin min hrilh.Zu leh zuin hrim hrim hi sual angin Bible hian n min zirtir lo.Ruih a that loh thu chu a sawi mai ani.

Heti khawp a sual ni a kan do si hi kan Lal Isua khan engati nge a lo tihpun a 'min hriat reng nan ti thin rawh u' a tih aw tih hi ka ngaihtuah thin,tuisik leh thil tuiril dang a tam tehlul nen.Zu hnathawh dan hi kan han pianthar a phurna te hlimnate kan neih ang hian phurna leh hlimna te min pe a,hei vang hian emaw ni a lo thlan kher kher ni dawn ni.Engpawh ni se kan Lal Isua thisen entirna,min hriat reng nan lo ti thin rawh u a tih leh serh leh sang hial a kan neih he ti tak a kan bei leh sualin a hmang a min bawhbeh nan a hmang hi chu a tha nat thlak ngawt mai.Zu hi hetia do bur lo hian kan serh leh sang leh Isua thisen entirna thil zahawm tak a nia hman sual chi a ni lo ti zawng hian lo inzirtir ila tun teh thlawt ai hi chuan hma kan sawn ka ring.

Zu huatna hi kan in tuh nasa lutuk tawh a,sual bul te kan ti thul.Zuin hi sual a ni hran lo a zu hi sual a nilo bawk,Zu ruih thatlohna sawi mai hi a tawk viau a ni.Thil thatna neilo ang deuh hian kan chhuah a Luka 10:34 a Samari mitha in pem damdawi a tan a hman te hi chu kan sawi lang khat khawp mai.Bible hian a khap lo a,Lal Isuan a khap loh mai bakah a in ve bawk.Bible chuan,"Ringlo miin chawei a an sawm che u a kal in duh chuan,dilchhut tak a zawt loin an hlui apiang che u chu ei mai rawh u....A nih leh,ka zalenna chu midang ngaihdanin adip dal tur em ni?Lawm tak a ka ei a, a chung a lawmthu ka sawina thilah hian engah nge sawichhiat ka nih ang?" a ti mai a nih kha.Lal Isua phei chuan kan thil ei leh in te chu kan e chhuak leh vek a min ti bawlhhlawh thei lo ati then mai anih kha.

 
Zu chung chang sawi hian Isua in ve te kha chu a ruih theih hleih nem kan ti thin, lehkhabu pahnih W.Ewing(1913) Dictionary of Christ and The Gospel leh Edinburgh:T& T (p.824) ah te chuan "Middle east velah khuan wine khu 'fermented' lo an hre ngailo lo" tih a in ziak.Grape hi September thla velah an thar a an up ta a April velah chuan a lo 'ferment' lo thei lo ve bawk ani.Zu tha tehna hi up rei ah ania, Isua tih pun phei kha chu a hma ami aiin a tha zawk tih kan hmu a,a ruih theih ngei tur chu ani.Pu Buanga leh Sap Upa te kha zu zawrh pawisa hmang a helai thleng thleng lo kal thei a chanchintha min hrilh thei an ni.Mathaia hlepru thin kut chu Bible ziah nan a hmang leh mai bawk.Davida tualthat leh uire thlah te mal a sawm thul.Keinin thianghlimlo ni a kan hriat thil tlawm te te hi Pathian hian a hmang nasa lulai em a zu chhiah lo hmusit ve ngawt tur pawh kan ni chiah em keini state rethei hian?

A ruih a ber hi Bible pawn a duh loh anih lai hian a zu a zawk hi kan han do ta a,tih rem tumin khap bur zawngin kal tha in kan han hre ta chu ania,tha seng thlawn teuh a tlawm bak hmabak kan nei chuangin ka hre lo thin.A chhan chu,Indona ah hian a do tu leh a do a ber an tan dun tlat chuan chak ngaihna a awm tlat lo a ni,spy pakhat pawn ram pum a tibuai thei ania.Zu hi sual ang a kan inzirtir laklawh vang hian kohhran ang hian kan han haw der a, amimal ang chuan kan haw tak tak lo,han do na tak tak pawh tawngka lo chuan kan nei lo.Ruih hrim hrim hi chu engmah a fuh lo,sakhaw ruih te hlei hlei hi a buaithlak duh. Sakhaw ruih chilh avang a kan inthahna zozai hi a sakhaw khap bur na tham chu a ni ve tawh tho ang.Hman sual hrim hrim a thil hi kan teh zel dawn chuan eipuar lutuk te,sakhua te thleng hian hman sual theih vek an ni.

A tawp berah chuan zu hi chu a thatna a awm a,100ml vel lek a miin an in chuan kan taksa a organ zawng zawng deuh thaw hian that pui nan a hmang a, ram vawtah min ti lum, sipai ho pawn indona ah anmahni ti phur tu ah an hmang,hliam enkawlna thatak a ni, titi ti nuam tu a ni leh adt. Heti chung hian a that lohna hi atam em a vangin Bible pawn Warning min pe nasa,ruih that lohna tam tak a sawi bawk a vangin a that lohna hi sawi uar a tha ka ti khawp mai.Puitling,mahni in control thei chin tan lo phei chuan in loh a tha zawk tih te hi sawi uar a tha.Khap bur hian mihring asiam that ngai loh avangin kan rilru pawh hi kan tih zau ve deuh a tha ka ti.Tin,zu a zalen avanga sual tam hluai tur a ngai chi phei chuan in loh tawp a tha, a chhan chu zu hian kan chhungril tak tak a phawrh chhuak a,kan ngaihtuah ang ang hian a thawh mai thin avangin.

KA THIANPA ROBERTA

Durtlang hospitalah kum 1998,vawkhniakzawnthla khan Doctor hnathawk turin Pathian khawngaihna a zarah ka lut ve a.kan seniorten ultrasound lampang ka chanah an dah deuh a,keimah pawh ka tuiin nuam ka ti phian.Rinaiin training mumal tak han neihloh chuan a lo harsa a,ka hriatchian vak loh 'doppler' chungchangte han zir chian deuh kan chak deuh a,reivaklo ka thawh hnuah training mumal zawk nei turin Vellore lam panin ka kal ta nge nge a.

Ka chhukthla tur chu ka phur ve hle mai a,damlo tan a ka tangkai zawk theihdan tur te ngaihtuah chung zelin chhungte nen kan in vai liam ve a. Harsatna em em awmlo in Vellore chu tluang takin ka zuk thleng a,mihrang hrang,training tur ka rinaiin an lo tam daih lehnghal.ka room tur min kawhhmuh hnu chuan kan in vawm lut ve tawp a.ka roommate tur a min pek chu 'Roberta',UK a tanga lo kal hi a lo ni a,hepa hi ani tun thleng a ka nun khawihtu leh he thu ka ziah na chhan ni ta chu.

Roberta chu sapram atang a lo kal nimahse a hmel chu a vai ngawih ngawih a,thlaruk zet room khat a han awm takah chuan kan lo inhrechiang hman viau a,a miziaah hian mak tih deuh deuh tur tam tak a awm.Class a thusawi te hi ngaihtuah awm pawn a lang ve lem lo a.A chang chuan zanah te hian room a riak lo in khawlaiah a vak tlaivar leh ringawt thin.khawlai a kan chhuah dun chang te hian a mittui a tla fo a,a chang leh a pawisa neih ang chhun chhun te hi a sem ral leh ringawt zel bawk.

Thla a lo ral zel a kan trainning hun pawh kan lo zo ve dawn ta.Kan zawh ni tlai chuan kan pahnihin bazarah kan leng ve a,kan haw lam a 'slum area' kan kal pelh lai chuan a mittui a tla nasa ta mai a,a tih vak ngaihna ka hriat loh a vangin ngawi rengin kan in zui haw a,room kan han thlen chuan a chanchin lungchhiat thlaktak mai chu tapchungin min hrilh ta a ni.Kum 10 lai vei tawh mahse he a thusawi hi ka thinlung chhuntu leh ka hnuk la tiulh fo tu a ni.

Tuna Roberta nu leh pa John leh Ruthi te hi kum tam tak kal ta khan India ramah missionary in an lo lut a,tukkhat chu Pi Ruthi zing thoin kawngka an hawng a an kawngkhar bulah nausen pianghlim, mi hnuchhiah lo let reng a hmu ta mai a.Chu nausen chu a dangin a chau hle na a nunna erawh a la nei hram hram a.Theihtawpin an buaipui a,fa anlo neilo kher bawk nen fa angin an pawm ta ringawt a.Chu nausen chu tun a a chanchin kan sawi mek Roberta hi a ni.

Rooma a chanchin min han hrilh chu a in sum zo ngang lo a,kei pawh ka in tipachang hleitheilo chu a ni e! A tuk ah Airportah ka va thlah a,a haw dawn chuan Roberta chuan a neih zawng zawng chu slum area a mi retheite tan a sem vek a,a kawr haklai leh slipper bak engmah bag hawn a neilo.Mittui tla chunga hnunglam pawh hawi let ngamlo a ka thianpa kal liam chu lungchhe takin ka thlir liam ta ngawih ngawih a.

Chumi ni chuan engtih zai mah ka rel thei ta reng reng lo mai a.Ngaihtuahloh ka tum pawn ka rilru ah a rawn lang leh thin.Khawlaia kan kal duna kut dawh kan han hmuh chang te khan "Heihi ka unaupa a lo ni reng angem tih te,he pitar bal tak hi kanu a lo ni reng thei asin" tih te a ngaihtuah ve thin in ka ring a,a rilru hahdan turte kha ka lo va hriatthiampuilo ngai em!Zan a khawlai a avah tlaivar rikngawt changte khan hetiang hi ani tih lo hria i lang chuan ka mu mai biklo tur! He ka thianpa khawngaihthlak tak hian a chhungte chen ve na thin hmuh chakin India ramah remchang a rawn zawng a,a thil tawn leh hmuh te erawh a tan ana em a ni! Tah bak tih tur a neilo a,a tap hawm hawm kha awmlo tihna pakhatmah ka neilo.

Zan a rawn thleng a ka ngaihtuahna ah a lut nasa tulh tulh a,ka muhil thei nganglo.A tan tihtheih engmah ka neilo tih ka hria,ka tihsak theih ve chhun ani tih hriain ka tho a ka thutphahah thu in uluk takin ka tawngtai sak ta ngawt a.(He thil hi a tak tak kan u Dr Zaua thil tawn a ni a,ka phuahchawp tlem nen kazeldin ani.)

KA U SATEA

Ka u hi PILE thalo a nia,Delhi(AIMS) ah a in en tir a,Doctor khan naktukah lo kal rawh kan khawih dawn nia a ti a,a tukah chuan doctor room bulah chuan a nghak ta ran mai a.AIMS a MBBS final year zirlai mizo nula 3 hian an nghah pui a an lo hnem a. A luh a hun chuan Doctor khan a bungbut tir a,a mawngah chuan pipe ang deuh hlam chen vel(colonoscope) hi a ril en turin a hawlh lut a,a na a ti ngang mai.Colonoscope doctor in a phawi chhuah chuan a thaw huai a,a zo tawh emaw tiin thawh mai an tum a,Doctor chuan a la phal aw zawnglo.I natna ang hi thil vang a nia zir chian a ngai a ti a,MBBS final year zawng zawng a ko lut,a mawng a tang chuan lecture darkar chanve vel an pe pek a lom le,a hma a nula kalpui tu te pawh kha an tel ve si a,bungbu vuah chungin kapkar a tangin a va be zauh zauh hlawm,zah theih pawh ni tawh hek lo.Anni lah chuan an lo zir ngun nasa!!Darkar chanve rei pawl tak chu a nih hmel.

DAVIDA

Ka u chiah hi a college kal lai chuan mahni tawk a intichak,a awm mai mai poh intisek deuh reng chi kha a ni ve a,tumkhat college week ah wrestling ah a tel ve a lawm le,1st round a a beihpui kha chu a hneh ve mai a,semifinal a thleng der a,semifinal ah lah khan a tumpui tur kha a lo kal silo a awlsam te in final a thleng der a.

Final ni khan a bialnu en turin a hruai ve ngei a,tlar hma berah a thut tir a.An inbeih hun a lo thleng ta,a hming an rawn puang lauh lauh a,towel bat chung in intisek pah titih hian ringah a rawn lut a,kut anlo beng dar dar.Chutah a tumpui tur an rawn puang ve ta,lehlam a tang khan sek mangkheng,Mizoram aiawh poh a Medal lo la fo tawh,SAI chawm thin(ka hriatsual loh chuan Rivunga kha nita in ka hria) a rawn lut ta mai! Tlanchhiat leh chi a ni tawh silo a an inbei ta a lawm le.

An hnehlo mai mai khawp a! A beihpui pa lah kha rin aiin a lo sual phian lehnghal a.A bawhbet duh mai si lo.A theh vak! A kuai bungbu thul! A chang chuan a kapkar a tangte khan bungbu chung khan a bialnu te kha a letling zawngin a han hmu leh vuai thin! A rawn haw chu "Bialnu te sawmna chi a lo ni reng reng hleinem mole" a rawn ti haw nang nang.Hit fuh lo ve asin aw.

KA PA

Aizawl ah sawn kapa cousin Jh Ramnghingloa(Pa Rama) MZU a thawk saw a awm a,veng pakhatah Jh Ramnghingloa tho hi Mary Jones school neitu thin kha a lo awm ve a ni awm e.Aizawl te hi kan zin mai mai theih ve loh a vangin reifu kapa te nen poh an in hmu tawh lo a.

Tumkhat kapa a va zin phei a,Aizawl luh tan tirh ah sawn Khawnge Ramnghingloa te in hi a va ti a,Mary Jones neitu zawk kha an lo kawh hmuh mai si a,a va in vawm lut ve tawp a,pa ber kha school a tangin a lo la haw lo a.Kapa lah chuan intithu fu hian thingpui han lum teh u,inbualna kha chhuang nghal ula inbual hma ka duh te kha a ti kual a.Kha tia thu deuh lo lut ta kha chu nuber lah chuan a pasal chhungte a la hmuh loh emaw a lo ti,an inneihna a la rei silo a anpa chhungte a hre kim bik der silo,a zawt ngam mai tawh bik silo a,a phe vat vat mai a.

A hnu deuh ah Pu Ramnghingloa a lo haw,a ni pawh khan annu chhungte emaw a tia a zawt ngam bik silo.Kapa kha chuan a hre tawh,nuamlo a ti tan tawh khawp a,a insawi duh tawh bik silo.Chaw an han eikham a an han mut hnu chuan Pu Rama khan annu hnenah "Thiani,kan mikhualpa hi engtia inchhung nge?" an ti a,ani lah chuan "ka hrebik hleinem! a inti thu sia inchhungte ni hming ka lo ti mai " a lo ti ve bawk si,an buai dun khawp mai a.

A tuk chaw ei lai in Nu ber khan,"Kapu,in zawt ta tawp mai ila tunge i nih chiah a?" a ti a ni awm asin.Kapa lah khan "aaa...ka thlen sual a,ka insawn lo law law mai teh ang ka lo ti mai"a ti a ni awm e.Han chhuah mualpho kha a chi tawh silo a,karkhat chhung chu a cham tluan ve thak!!!

ZET-U_ZU

Kohran:  Zu hi Corruption hliahtu ber a nih avangin MLTP Act hlih loh nan an tawngtai
Zu zuar: MLTP Act hlih a nih chuan an hlawkna a bo dawn avangin hlih a nih loh nan an tawngtai
BSF/AR: An ZU hralh hlawkna a bo dawn avangin hlih a nih loh nan an tawngtai
Dan hremi: An eizawnna a nghawng dawn avangin hlih a nih loh nan an tawngtai
Zu ngawlvei: Zu man tlawm taka an hmuh ve theih dawn vangin MLTP Act hlih nan an tawngtai
Zu ngawlvei nupui: Zu man banga kawrthar an hlep ve theih dawn vangin hlih anih nan an tawngtai
Rawngbawltu:Midangin duhtawka an in laia an in ve theih dawn siloh avangin hlih a nih loh nan an tawngtai
Pu Zira:Bill puluttu a nih avangin a tawngtai
Sorkar:Leiba tam tak rulh a nih theih nan MLTP Act hlih na turin an tawngtai


Tawngtai Chhanna
ISUA: A thenin zu tihpun in duh a,a thein in duh lo va, hmanah vawikhat ka tih pun sak tawh che u a, thenkhatin zu heh mi te min ti vel a,tunah hi chuan ka lo in rawlh tawh dawn lo,in tih  tih in ti ve teh u.

VANGLAI HUN

He ka zinkawngah hian huphurh takin kum 40 mel lung chu ka tlan pelh a lo ngai dawn ta reng mai.Zin hian haw lam han nih hi chuan hmangaihte awmna lam pan kan nih thin avangin kan phur thin,khualkhua a zin tur kan nih hi chuan kan huphurh rum a,haw thuai thuai kan chak thin.Mahse,kan ti teh ang,a changchuan khualkhua hmun hla takah te kan han zin a kan damchhungin kan tlawh leh tawh angem tih pawh hriat loh a hlaah te,thil ropui vak tawn poh kan inrinloh laiin kan duh leh hmangaih em em mai kan han tawng hlauh mai a in lam pan a kan haw leh rilru ruak zia thin kha aw,kei pawh kha dinhmun kha kum 20/19 vel lek kan nih lai khan ka tawng ve tawh a,inkhel in khaw dang ah kan kal a,Manipur lam a tang a rawn kal ve Cho Chong-i kha kan vei tlat pek a nih kha,kan han in melh a mit meng a tla tap a a bak a awmlo mahse a ril a ni!!Inhmu tawh ngailo tur tih hre reng chung a khaw lam kan han pan kha chu kan ni ve nghulh thei nia!Kha nu kha chuan zun kha a nei deuh rauh a ahnu a kan thiante inkhel a kal te pawh khan an rawn vei haw ve nasa! haha!kan duh zawng tak mai nen inhmu leh tawhlo ngailo tura inthen zawng a na ani!

He ka khawvel zinkawng a kan haw lamah pawh hian "VANGLAI HUN" duhawmna a khat nen kan intawng a,hun hlimawm tak reilote kan hmang a,inthlahlel em em a intawng leh tawh ngailo tur a kan inthen a ngai ta.Inthenna hi thil runthlak pawl tak chu ani..Tih theih kan neilo a khuarel ani,thenna thu hlan che hi ka tih theih tawk chu a ni ta reng mai! Mangtha,ka duhlai,ka hmangaih,he zinkawng ti mawitu hi ini a chelhdin theih nise kan hun hman kha chelh din ka duh,kan theih miau loh a vangin tihian ka thlah mai che ani,lo vul reng ang che -

"Aw,theihchang zawng nise,

Kumhlui hnawltu kumhlui hi,

Tanglaiah pawm a mual chu liam lul suh,

Ti a biahthu hlan ka nuam ngei e"

HRINGNUN

Hringnun hi ka ngaihtuah thin,awmlo la chuan a ho ngawt ang,nitin kan chhuak a angai bawk kan ti a kan haw a kan mu leh a,a tukah a ngai bawk,eng chu nge maw han thlakhlelh chiam tur awm le te ka ti.Kan kum te a lo tam ve tan tawh a thil thlahlel te hi a lo tlem ta hle mai.

Kan thian tam tak ten mual an lo liam tawh a,a then mual la liam lo te lah an hrai leng te nen min ngailo in an lo leng tawh si,min ngai poimawh tu an lo tlem tawh a,hunpui a her chhuah dawn meuh chuan lunghlui te a leng a rilru in ar bo a zawng a kil tin a ngaihtuah kual,vawn tur kan zawng kual a kan vawn chhun te lah a mal te te in an thlawn phauh phauh si.Kan lo upa tial tial a kan mal tulh tulh a, fate tak tak tan pawh kan lo thing ta!! 

He khawvelah hian ka neihchhun tak meuh meuh i ni tawh mai in ka hria!!!..kan khualzin kawng hi muangte in i zawh dun ang aw,kan hlimni te hi chen dun ila,kan damchhung ni te hi harsat mangan kar ah chhiar dun ila,nang nen hi chuan midang kan ngai bik chuang hlei nem le!..Thihna hlim kawrruam tihbai awm tak pawh hi nang ka kiang a i awm chuan huphurh lutuk biklo in ka zawh tlang theih mai ka ring,he khual zin kawng ka zawh mek zawk hi i tello chuan zawh ngaihna ngang ka hrelo ...En teh,min kai zel ta che. 

AWMPUI

Tunlaiah awmpui man pawh Rs 2500 te a lo ni ta,washing machine hi Rs 15000 man vel te a ni a,cook hian Rs 3000 vel te an la a,kawr nawh man leh pheikhawk nawh man te hi Rs 10 lek pawh nise nitin nawh tir chuan a hek ve riau,nawhchizuar hi zuai Rs 200 te a ni a zankhat a tan phei chuan Rs 1000 chung lam zel an in chhiar,nitin tur phei chuan thla khatah insen ngai tak a ni! Heng thil zawng zawng hi a mal te te chuan mangan pui tham leh phurrit vek ni mahse Rs 420 lek in mipa tan a zavai a inkawp hian lei tur an awm hlauh mai hi chu vanneihthlak ve tak hi ani!He mipate kan vanneihna hi hrethiamlo in a thenin ka duhlo che te anlo ti a an hnawtchhuak ve thul.Beng sik a kan ngaihtuah neuh neuh hian Pathum dang vel chu lei tur la awm se ka ti ngawt mai!!

TANGKAINA A NEI.

Hmangaihna hi chu a mak a ni,min vel a, min tina a,pa ber ber a kan hriat te pawh til neilo ang mai a an mut zawi reng chang a awm! A thenin an thih phah a, a then an at phah thul! Nang pawh a tina thin che a ni tiraw? I tah a chhuak a i mittui i dang senglo fo maw? Tap rawh ka thian,i mittui khan tangkaina a nei asin!

Mihring taksa a tang a chhuak thin hi i ngaihtuah ngai em? Ek leh zun tangkaina i hria,hnap pawh hi sawi a ngailo.Vawih theih loh vang a Vellore damdawiin i thlenglo te hi lawm rawh.Mit a mim a mittui a tlak te hi chu i hrethiam,hmangaihna vang a mittui hi chu hriatthiam har i ti fo a ni tiraw....Ana vawng vawng a,i tah a chhuak ngawih ngawih maw?Tap rawh ka thian,kha i mittui kha i khawhmuh a fiah leh zual nan a pawimawh a,hmangaihna kawng thlirfiah tir tu a tan a khuanu pek che a ni!Khawdur phenah hian chhimbal mawi tak a awm a,mittui phen ah hian hlimna nui ri a awm asin.Zahpui lo la,malsawmna hlu tak a ni tih theihnghil ngai suh

THIANPA ZAMA KHIANGTE

THIANPA ZAMA KHIANGTE

Pan lai nun kan hman ve lai a Zama ka han ngaihsan dan em em kha aw..Kungfu leh Boxing te kha a ai thiam hi Bruce Lee bak a awm theih ka ring ngailo reng reng...Zirtirtu ten an hrem a pawn a an dintir a ahnar a chum thi te phei kha chu kar khat vel chawei lai apiang a kan titi kha a tling ve nia!Class 4 kan nih lai a avawih bur a a rawn ken te hlei hlei kha anih kha ..pui hi kan han ti mai mai thin khawp a,hei ka tui hi in rawh tih pah a avawih min han hnim tir a hmui veilam an ner sawng te kha aw! JNM school phul vel a tal nileng ve ringawt thin keini ang tan kha chuan apui ani.Becker,Sampras kan hre lo Roger Moore pawh eng tehual ah ka ngai ngailo, Zama hi zawng kan ngaisang thlawt.

Class 5 ah hmeichhe hnute deh a rawn ching chhuak,khangte hlei hlei kha pui kan van ti thin tak!A duh duh hnute a dek ngam a, a tlan daih zel a a awh awm chiang a ni.A mah a vang a class 5 kan nih lai a ka hmeichhe hnute ka tham thut zozai te kha ka chhiar seng lo,Kum 18 - 40 inkarah hian hnute khawih leh tur hmu thei ta reng reng lo mah ila Class 5 ah ka khawih tam em tho kha tiin ka inhnem fo thin.Class 5 kum tawp lamah ngaihzawng a nei tan a,ngaihzawng te hming banpuamah thisen a ziah tur an ti a compass zum a thisung a aban an thai vel te kha Davida leh Francis te ho kha chuan mit tla dawnin an thlir dauh dauh zel mawle,keini ho khan ngaizawng awmzia pawh kan hre ve silo a kan class a hmai fai deuh deuh hming te kha compass in kan thai thi ve ngiai nguai a tun thleng hian Manuni,Tedaii,Zoeni,Rintluangietc te hming hi Dave Chhakchhuak,Francis R Colney,Mahlima te ban ah hian la rehlo in lo la awm pawh nise mak ka ti miahlo ang! 

School in function kan neih a piang khan zai turin an ti ziah a,"I saw her standing there" kha an sa ngei a chumi zawh ah "Knockin' on heavens door" an sa zui ngat zel phei kha chu a chim hian kan chim hum hum zel a nih kha.Mahse Bob Dylan hla Knocking on heavens door a sak a piang a "Linda,Linda,Lucy" a lo tih ve ziah kha "Its Getting dark too dark to see" tih zawk a lo ni reng tih tunhnu hian ka hre chiah nia!

Sakawr uar lai te khan Zama sakawr nih kha kan inchuh nasa thin khawp a,kei hi ka vannei thei a Zama sakawr ziding kha ka ni thin,Fitu-a leh Lalhlima te kha a zakul ah an tang zak zak a,Sakawr in kan tih ber chu Zama'n hmeltha a tih deuh sut kha a ni.Khati khawp a lerh min zirtir nasa si heti khawp a nula ngaihsaklo a ka thlangval chhuak si kha ka piangsual deuh ngeni kei hi in tih chang pawh tunhma chuan ka nei fo nia!

Class 7 kan nih dawn khan Delhi ah ka zir zawm dawn a ti thin a, afiamthu deuh ah kan ngai mai a,mahse a fiamthu a lo nilo, class 7 kha a rawn zawm ve ta reng reng lo.Kha ti khawp a kan boss en in Delhi a zin dawn a thlah pawh kan thlah hauhlo kha ka inthiam theilo a,vawi tam lehkha ka ziak a a address ka hre silo a thawnlo in ka pawtthler leh ngawt thin,dik tak chuan kan ngui nghiai a kan khua a har a ni.Class 7 kha Board exam a ni a kum tawp exam turin Bazar ah keini Sikul kha kan phei tham tham a,kan han thleng chu Zama ngei mai kha tlar hnung ber ah a lo thu kuk a,Delhi awzawng a lo kal lo! Pu Rozika(Madika Ralte) school ah a lawm a lo kal le!Hria ila lehkhathawn te mai mai a har loh nen leh.

Kan naupan lai nun hi ka ngaihtuah chhuak fo a, alo hlimawm ta ber hian ka hria,heng thil vel ka ngaihtuah mai mai lai hian tumkhat chawei laiin ka fanu in "Apa,khawvelah enge i hlauh ber?" tiin min zawt thut a,kei chuan zawi sup in"Zama hi a naupanlaiin hlamzuihin a lo thi ang tih ka hlau ber" ka ti.

LAWRKHAWM

                                                   BELH TUR

Belh tur tha zawk an hmuh loh vang liau liau a min bel velehchhawng an han awm ve te hian ngaihtuah a ti thuiin hausak hi min ti chak thin,hman zan a nu berh ve te leh a fa nausen thi ta te kha aw!! Hmelhriat pakhatmah anneih loh vangin inhresa miahlo kha zah poh sawitheiloin a fanu ruang a rawn tlukluhpui tawp ania,kannu in ka chhungte an nia an tih te khan a thlamuan ve em em a,Km 200 chuang kha a fanu ruang kha neih engmah neilo leh amah maiin an hawpui kha a nia!A berh laklawh hi chu an va khawngaihthlak em aw he khawvel rualkhailo lutukah hian,mahni pawh engtihthulo nih nak lai hian mei eng en ringawt hi an va tam em...Miropui tak tak Nelson Mandela te Paul Walker te an thi a chanchinbu zawng zawng an luah a rethei damkhawchhuah nan a eitur neih loh avang a nitin thi zozai te hian hriat an hlawh silo!!He khawvel hrep tak hi chu aw...

                                                          ROSE PAR

Zan khaw tairek thleng thlengin uluk takin leh hah deuh in i enkawl a,dik tak chuan mutmu pawh i hmu meuhlo.Khawfing a chat a Ar khuangin a tiharh che a angaite bawkin tui nen i chawm leh,a par pawh a vulh nalh narawh e...mahse,Thiana,ngaihtuah chiang teh, i Rose chawm vul lai kha ita nilo in mihuan a mi zawk daih ania aw!Eng ang pawn vul se ita a ni tak tak dawn chuanglo e,i hun tha i paih mai mai a ni.Mahni ta lo par vul chuk ai chuan i huan a i ta fere te kha a hlu zawk.

Mihringte hi kan neih phak loh apiang awt chi kan ni a,ralkhat a tang a midang huan a par vul chuk ni a i hmuh kha a hmunah chuan hling a awm ve chuk tho a nia.Chuvangin ka thiante paho nula la chhaih mek ho kha innu te bulah khan mu ve mai mai teh u.

(5th September 2013)

                                                          HMANGAIHNA

Hmangaihna hi chu hriat thiam a har thlawt a ni - A chang chuan min hmangaih bertute hi na theih tawpin kan siam a,achang leh kan hmangaihna phu reng renglo te hi ka hmangaih ber che kan ti thul!!Min duhsak tu ten hei hi chu i tan athalo an tih te hi kan thih phah lo chauh a,min duhsak a min hrilh tute lah kan huat phah thul! -

*Hmangaihna hi a mit a del a ni anlo ti fo reng a ni...kei chuan ti hian ka ngaihtuah ta a hmangaihnaq hi a mit a del mai nilo in a beng pawh a ngawng chiang ani!

(31st August 2013)

KA FANU HNENA LEHKHATHAWN

Ka fanu duh tak,

                    

                           I nu hian a lo pai lawk che a vangin kum 20 kan pel awrh tih in kan innei a,i pian hlim chuan kan en thin che a i pawr fep reuh a,dik tak chuan i nu nen zirlai ve ve kan la nih a vangin 'engtinnge kan khawsak ang?' tih te,'engtinnge kan chawm ve tak ang le' tih te rilruah a rawn lut lo thei lo a,mang ti ang tu ber i ni.I nu hian thlakhat i nih khan lehkha zir zawm turin a kalsan ta che a,keiin a hnu thlakhat ah.I nu'n a kalsan zan che a hnute ngen a i tap tlaivar kha ka hun tawnah hian hrehawm ka la tih ber pawl atling,riltam tuihal zanlaiah in tap a, tihtheih a awm silo a kan han tlaivar zak mai kha pa tan chuan theihnghilh theih chi a nilo.I nu nen kan rawn haw leh meuh chuan kum 4 i lo ni tawh a i nu leh pa kan ni tih pawh i hre tawh lo a,hei vang hian thu hrilh che pawh har ka tih phah.Engtik ni ah emaw ka Blog te i lo la tlawh ve anga i tan heng thu hi ka lo dah mai zawk e.

                         

                              Mate,i rawn nula chho ve ta a i nunah hian thil tam tak i rawn tawng chho ve dawn a.I nun ah hian hlimni leh lungngaihni te a lo indawt chho zut dawn ani.Engtik niah emaw chuan sualin a hneh che a i indawm kun ngawih ngawih hun a la awm ve dawn ani.Eng ber nge ka hre lo,mahse i la tawng ve dawn chiang a mihring dan anih avangin.He hun harsa i tawh lai hian engang a sual lianah nge i tluk tih lam ai chuan engtinnge i thawh leh tih hian i mizia tak tak a tilang dawn.Mihring hi kan ropuina ber hi tlu ve ngailo leh fel famkim anga kan lanna hi a ni lo,kan tluk a kan thawhleh zelna zawk hi ani.Hringnun lamtluang i zawh mekna ah hian nangmah tichak turin heng harsatna leh vanduaina a kan ngaih lo hmachhawn tu che hi hmang ang che.

                           

                               

                             Mate,Kan Mizo nunah hian sual na intanna hi school chawlhlai leh awl lai, abikin Nov-April hi a ni tlangpui thin.Lehkha zir buai lai hian sual tak tak na hman a awm loh a vangin heng awl lai hian tih tur in siam thiam la ka duh.A bik takin Dec 24th leh 31st phei hi chu khawiah pawh awm la chhuah ching suh ang che,sual a hnai bik em em ani.Tin,mahni inchhung hi mualpho harna ber anih avangin thiante hi hmun dang a kawm lo in in a kawm hi i zir a ngai bawk.

                              Mate,'Habit' te 'Hobby' te hi insiam chawp theih an ni.Nitin i hun hmanah hian i hnathawh emaw i thil tih thin mil a heng hi i siam ka duh.Sumdawng i nih chuan zingthawh hma a ngai a zan menrei loh kha tih than a i neih a ngai,infiamna eizawng i nih pawn Exercise la tur a zingtin thawh kha tihthan ah i nei leh mai ang,Politician i nih chuan sawisel i huat loh a insiamthat nan i hman a ngai,sawiselna hi huat a lak chi ani lo a medicine ang hian kan tan a tha ani.Enoch Powell pawn " Politicians who complain about the media are like sailors who complain about the sea" a lo tih kha.Lehkha zirlai i nih pawn nitin tlem tal lehkha zir kha tih than ah nei la,school chawlh lai pawn i thluak chawlh tir ngai suh.

                                Mate,Engtik niah emaw chuan pasal a chhia a tha ila nei ve dawn,heng hunah hian vawng reng tura ka duh che chu Bible-in 'Sual chu kawngkhar bulah a bawk reng' a ti a,inkhawm ani emaw,milian in a chawei a ni emaw eng ang a pawimawh pawh nise i fate anmahni chauhin zanah inah dahin in nupa in chhuahsan ngai suh ang che u.A Pathian thuawih puitling zawng in chhuah vek chuan sual kawngkhar bul a bawk a kha a lo lut dawn chiang a ni.

                               I pa hian thil ropui leh til pek hlu pek tur che ka nei lo,he ka thil ziak hi ka pek theih chhun che ani ringawt a nih hi.Mahse,thilpek hi aman leh a hlut zawng atangin teh lo la.Thilpek hi ape tu leh apek a dinhmun hian a hlut zawng a hril thui zawk.Tlemte pawh nise a petuin a bang a la neih zat hian thui tak a hlut zawng a hril ani.Mi hausa leh ropui ka nilo a ka hmangaihna bak thil hlu pek tur che ka neih lo,ka pek chhun che erawh hi chu a zawng zawngin ka pe che a, a chuang bang a awm lo.

Sawi tur tam tak ka nei a,nidang a sawiah ka dah rih phawt ange

Hmangaih rengtu che,

I pa

FACEBOOK

Chhiar lem lo hian arawn lang hmasa a piang hi kan 'like' thla pawp pawp zel a,chuan ka inkhel mai zel,a lo fuh teh chiam lo.Hmanni phei chu 'inawhhlum ka duh' tih kha ka lo like vung a.'Min hria in awm em?' tih ringawt te,'Zawngi i lo sawi ve tur a awm lo' tih te,'thih daih ka duh' tih te zawng zawng poh ka lo like vek a nih hi!Chhiar ve thin tawh teh ang.....

FB hi mi thenkhat chuan an hmangthiam a an lar phah viau a,Group puitling deuh a Admin ni ho ngat phei chu an officer tenau chet ruih mai.Post siam apiang lah hian 'Admin ten min approve sak hram se' tiin an han tlawn hmasa te te phawt zel a.Kei ve hi ka thian ten duhsak a Admin a min han dahna ve hi han lawm hluai na tur a vang ani.Hmasawn chu sawi loh ka nawi tulh tulh....Admin a ka awmna ho hi mang ti ang tham chu a ni khai mah aw..(1) Lamkhuang kung leh ABC (2)Thutak reng thin kan nia (3) Admin awm lohna group (5) Awze tawng chi hrang hrang zirna hmunpui (6) Hihi group..hahthlak ve hlawm khawp mai..

DAKTAWR

Hmanni chu nu pakhat dawrah a lo lut hlawl a ti hian kan in bia a...

Kei: Enge i duh kapi?

Nu: Inentir ka duh a

Kei: Kannu hi tlai dar 4 velah te a lo kal chauh thin a ava pawi ve aw

Nu: Nangmah zawk hi a nia inentir ka duh,hmanni a kan fanu damdawi i chawh kha a ngeih lutuk a

Kei: Ngawi teh kapi,Doctor pawh ka ni lo a hmanni a mi te kha chu pum ulcer vel mai mai kha ania,midang rawn mai teh.

Nu: Min en mai teh,midang ai chuan ka ring zawk daih che,damdawi min chawh tawp mai rawh...

Chuti na na na chu ka tia a natna te kan zawt a uluk hmel fe khan kan en vel a,a natna lah chu a sawi kikawi thiam em em mai a Doctor beng ngaihthlakna(a hming poh ka hrelo) te pawh ka lek vel chiam tep ani:D...A tuk tukleh lawk ah chunu bawk chu a thiannu nen tlaiah an rawn lang leh heu mai a,kannu awmlai a ni hlauh a ka thaw deuh huai.Ti hian kan inbe leh a...

Kei: Enge ni leh ta Kapi?

Nu: Enteh nimin piah a i damdawi min pek kha ka ngeih lutuk a hei ka thiannu ka rawn hruai entir turin

Kei: Leh ta mai mai thin a aw, Engtinnge a nat a?

Nu: A natna hi a buaithlak lutuk a,Aizawlah Specialist pawh pathum lai an pan tawh a adam theilo,Lungleiah pawh hian Doctor an pan nual tawh eng a ang theilo a karawn hruai tawp ani..

Kei: Kapi kei hi hmanhmawhthlak lutukin miin min rawn ko thut a ka chhuah nghal a ngai tlat,hei kannu a awm a lo entir lawk mai teh u a thiam ve lutuk a nia

Ka chhuak nghal nal nal.Buaithlak ve thin hle mai