NGHILH I VA HAR EM
Phone a rawn ri ral ral a kan chhang a kan nurse pakhat a lo ni a," Pu Rin,accident an awm a,scooty khalh motor lianin a hnawlh a" a rawn tia. "Aw,ka lo phei nghal dawn nia" ka ti a ka insiam nghal a.Ka hritlang ka lu a rit ve luk a tha a tho lo ngei mai.
Damdawiin ka va thleng chu Casualty khumah nula pakhat hi a lo mu ngat a,a lu ah a inhliam avangin a hmai chu thiin a bual nasa a tunge anih a hriat theihloh.A taksa ah chuan hliam a awm thluah a,han en mai pawn a dinhmun a tha lo hle tih a hriat theih,a mar kan dek a a lo la phu a,a kawr tet nuai kar a a dul vel lang chu khuh that kan tum a,a laipawng chhak chiahah chuan kutchuk danglam deuh hi a lo awm a ka phu chiang kher mai! Ramte! Tu dang ani theilo,Ramtei ngei ani! A rawn meng a Chiang deuhin,engemaw sawi a tum a asawi chhuak theilo,chu chu dam a Ramtei ka hmuh tawp na chu ani.
Ramtei nen hian kan inhriatna chu a rei tawh na a kan inngaihzawn tak chu MBBS ka zir tan kumah ani a,inmil chi tak kan nih avangin kan awmdun chuan tudang hi kan ngailo,awmna hmun a hran avang erawh chuan ni a rei duhin a hrehawm hle thin.Mobile phone te a la lar loh avangin lehkha thawn kha inbiak pawhna ber ani mai a lehkhathawn kal chhung a rei thei ngat ngat hle ani.Eitur ho te te mi thawn hi a ching a an khawsak a nawm bik vak loh avangin ka inthlahrung viau thin na a parcel a lo thlen va va hi chuan a tluk a hlimawm a awm biklo.A pa a boral hma avangin a nu hoin an awm a,a nuin eichawp dawr anei a chu chu an ei ber ani ve mai a.
Induh ta chu inneih thlengin kan sawi ve a kan hlim ve hle.Ka pa pawn MBBS I zawh hunah in innei dawn nia,PG te chu I zir zawm thei ta hlauh anih leh inneih hnu a zir pawh a tam zawk anni ve tho a ti a thla a muang ve hle.Final year exam ka hmachhawn ve dawn ta reng,har kha ka tikhawp a ka fail mai ka hlauh avangin ka zir nasa hle a lehkhathawn pawh thla thum vel chu ka ziak mumal lo.A ni pawn mi tihbuai a hlau tehchek a ni ang chu lehkha a rawn thawn ta manglo a,ka nupui tur ania inneih vat a duh a ka fail a hlau ve hle anih ka ring a.
Kan exam zawh ni chuan bazar ka kal nghal a ka helhhawlh tak zet,Ramtei thawmhnaw lei ka tum a vangin pawisa pawh hmang ngamloin rei tak ka khawl ve a kawrlum to ve fahran mai leh pheikhawk ka leisak a.In ka thleng chu exam ka tih that thu te kan hrilh chuan ka nu leh pa pawh an lawm thiam ve khawp a nuam ka ti ve hle.Mahse,engemaw tak diklo a awm tlatin ka hre ru a chawei lai te chuan min melh hrek hrek hlawm in ka hria.
Ka chawei kham chu len ka tum thu ka sawi a room-ah ka insiam a,kawrlum leh pheikhawk chu nalh deuhin ka tuam a chulai chuan ka thianpa Thangtea a lo lut hlawl,kan inchibai luam a,ti ti pahin ka insiam vel chu min thlir reng a,a tawpah chuan,"Rina,lengchhuak lo la a that ka ring zanin chu" a rawn tichhuak hlawl,ka hawi phei a ka en a,a aw atang chuan diklo a awm tih ka hria a asawi leh tur ngawi rengin ka lo nghak a."Ramtei kha a rai tlat,Sunday hmasa khan an phuar nghe nge" a ti leh bauh ringawt.A bak chu a rehin a reh vung vung,ka pa a rawn lut a," ni e,Bawiha,exam I tihchhiat phah kan hlau a kan hrilh ngamlo che a,tin sawi a nuamlo a hei Thangtea lengah ka sawm anih hi,a pawi ngawt mai"a ti a,min lainat hle tih a hmel atangin ka hria.Ka inngaihtuah harh a hrehawm an tih lutuk ka hlau a pangngai tak a lan ka tum lui a,zan dar 10 vel thleng Thangtea pawh a leng a,a haw dawn chuan," tikhan hawi ve lawl lawl phawt mai teh,hetiang thil tawn hi chuan hawi lawl lawl bak tih tur a awm lo" nui pahin a tia anih duh hmel ang reng hlein ka hria.
Hetiang thil han tawn hi chuan kalna apiangah mi hian min nuih ru tet tet in kan hria a,ka tlawmngaihna em em chu a rai tupa khan a nei leh duh silo zui,chu chuan min tina zual a,keiin khawih pawh ka khawih phalloh kha nawmchen nan an lo hmang chu ani si a ka ti rilru a hei ber hian min tina zual.Puipuina ah kan chhuak peihlo a,mut veng veng hi a zia berin ka hria.Kumkhat vel chu ka awmdan chiah pawh ka sawi thiamlo ka awm tawp ani ber engmah ka ti peihlo a,ka pa in awm bo a hmundanga a internship tih a tha ber ang a ti a, mahse,hmundang a mahni a zuk awm chu ka zuam nganglo a Aizawl a tih ka thlang a,hospital ka kal tih loh chu ka chhuak ngailo a,midang ka be vak ngailo,ka inkhawm ngailo a pawn pawh ka chhuak ngailo a ka awm tawp ani ber,chhungte pawn ka awm awm in min dah tawp a ka pangngai hun an nghak tawp.
Kumkhat hnu chuan ka zia ta deuh a,hna kan thawh tak hnu phei chuan ka zia ta hle.Nula reng reng erawh ka rilruah an awm ta ngailo a,hna ka thawk mawp mawp mai a thian erawh ka kawm meuhlo hna ka thawk miah miah ringawt,a hma a hrehawm ka tihna kha chu a zia tan.Ramtei chu ka hmu ta ngailo a fapa duhawm tak anei tih erawh ka hria.Ka hmuh leh hmasak ber chu tun tum a accident hi ani a ka hmuh tawpna tur a ni der zui.Casualty khum bul a Ramtei mu chu ka en vang vang a,nunna nei tawhlo ani tih rin ngam a harsa a,engkim a rawn thar uar a ahlui tawh lawi si,rilruah thil hrang hrang a lut kual zut zut.Ka ngaidam thei ani tih tal hrilh tur a ka va hmulo kha ka va lo chapo em! Doctor ber hnukulh kha dik thei bikin ka hre silo a muang changin ka inher a pawnlamah ka chhuak phei ta a.
Ramtei boralna pawh hun rei a lo ni ta,tlaikhat chu school pakhat bulah hian ngawi rengin mahniin ka ding a, kawt a class 4 naupang inkhel mek chu ka thlir a,ka awmna lamah chuan ball an petliam a an thlir thap,naupang pakhat chuan min hmuh veleh a lo tlan phei a minlo pawm nghal,ka chawikang a,"Bawiha,nakum chu shillong-ah school kal tawh ang che aw,sipai school tha deuh a awm a" ka ti a,a ngawi reng a,a lunghnur hmel deuhin ka hria..."thlatin ka rawn tlawh dawn che alawm" ka ti chu hlim hmel deuhin a nui var var a,a biangsum a lang kalh,a nu Ramtei a van ang tak em aw! An biangsum neih dan a in ang chiah zui.
Phone a rawn ri ral ral a kan chhang a kan nurse pakhat a lo ni a," Pu Rin,accident an awm a,scooty khalh motor lianin a hnawlh a" a rawn tia. "Aw,ka lo phei nghal dawn nia" ka ti a ka insiam nghal a.Ka hritlang ka lu a rit ve luk a tha a tho lo ngei mai.
Damdawiin ka va thleng chu Casualty khumah nula pakhat hi a lo mu ngat a,a lu ah a inhliam avangin a hmai chu thiin a bual nasa a tunge anih a hriat theihloh.A taksa ah chuan hliam a awm thluah a,han en mai pawn a dinhmun a tha lo hle tih a hriat theih,a mar kan dek a a lo la phu a,a kawr tet nuai kar a a dul vel lang chu khuh that kan tum a,a laipawng chhak chiahah chuan kutchuk danglam deuh hi a lo awm a ka phu chiang kher mai! Ramte! Tu dang ani theilo,Ramtei ngei ani! A rawn meng a Chiang deuhin,engemaw sawi a tum a asawi chhuak theilo,chu chu dam a Ramtei ka hmuh tawp na chu ani.
Ramtei nen hian kan inhriatna chu a rei tawh na a kan inngaihzawn tak chu MBBS ka zir tan kumah ani a,inmil chi tak kan nih avangin kan awmdun chuan tudang hi kan ngailo,awmna hmun a hran avang erawh chuan ni a rei duhin a hrehawm hle thin.Mobile phone te a la lar loh avangin lehkha thawn kha inbiak pawhna ber ani mai a lehkhathawn kal chhung a rei thei ngat ngat hle ani.Eitur ho te te mi thawn hi a ching a an khawsak a nawm bik vak loh avangin ka inthlahrung viau thin na a parcel a lo thlen va va hi chuan a tluk a hlimawm a awm biklo.A pa a boral hma avangin a nu hoin an awm a,a nuin eichawp dawr anei a chu chu an ei ber ani ve mai a.
Induh ta chu inneih thlengin kan sawi ve a kan hlim ve hle.Ka pa pawn MBBS I zawh hunah in innei dawn nia,PG te chu I zir zawm thei ta hlauh anih leh inneih hnu a zir pawh a tam zawk anni ve tho a ti a thla a muang ve hle.Final year exam ka hmachhawn ve dawn ta reng,har kha ka tikhawp a ka fail mai ka hlauh avangin ka zir nasa hle a lehkhathawn pawh thla thum vel chu ka ziak mumal lo.A ni pawn mi tihbuai a hlau tehchek a ni ang chu lehkha a rawn thawn ta manglo a,ka nupui tur ania inneih vat a duh a ka fail a hlau ve hle anih ka ring a.
Kan exam zawh ni chuan bazar ka kal nghal a ka helhhawlh tak zet,Ramtei thawmhnaw lei ka tum a vangin pawisa pawh hmang ngamloin rei tak ka khawl ve a kawrlum to ve fahran mai leh pheikhawk ka leisak a.In ka thleng chu exam ka tih that thu te kan hrilh chuan ka nu leh pa pawh an lawm thiam ve khawp a nuam ka ti ve hle.Mahse,engemaw tak diklo a awm tlatin ka hre ru a chawei lai te chuan min melh hrek hrek hlawm in ka hria.
Ka chawei kham chu len ka tum thu ka sawi a room-ah ka insiam a,kawrlum leh pheikhawk chu nalh deuhin ka tuam a chulai chuan ka thianpa Thangtea a lo lut hlawl,kan inchibai luam a,ti ti pahin ka insiam vel chu min thlir reng a,a tawpah chuan,"Rina,lengchhuak lo la a that ka ring zanin chu" a rawn tichhuak hlawl,ka hawi phei a ka en a,a aw atang chuan diklo a awm tih ka hria a asawi leh tur ngawi rengin ka lo nghak a."Ramtei kha a rai tlat,Sunday hmasa khan an phuar nghe nge" a ti leh bauh ringawt.A bak chu a rehin a reh vung vung,ka pa a rawn lut a," ni e,Bawiha,exam I tihchhiat phah kan hlau a kan hrilh ngamlo che a,tin sawi a nuamlo a hei Thangtea lengah ka sawm anih hi,a pawi ngawt mai"a ti a,min lainat hle tih a hmel atangin ka hria.Ka inngaihtuah harh a hrehawm an tih lutuk ka hlau a pangngai tak a lan ka tum lui a,zan dar 10 vel thleng Thangtea pawh a leng a,a haw dawn chuan," tikhan hawi ve lawl lawl phawt mai teh,hetiang thil tawn hi chuan hawi lawl lawl bak tih tur a awm lo" nui pahin a tia anih duh hmel ang reng hlein ka hria.
Hetiang thil han tawn hi chuan kalna apiangah mi hian min nuih ru tet tet in kan hria a,ka tlawmngaihna em em chu a rai tupa khan a nei leh duh silo zui,chu chuan min tina zual a,keiin khawih pawh ka khawih phalloh kha nawmchen nan an lo hmang chu ani si a ka ti rilru a hei ber hian min tina zual.Puipuina ah kan chhuak peihlo a,mut veng veng hi a zia berin ka hria.Kumkhat vel chu ka awmdan chiah pawh ka sawi thiamlo ka awm tawp ani ber engmah ka ti peihlo a,ka pa in awm bo a hmundanga a internship tih a tha ber ang a ti a, mahse,hmundang a mahni a zuk awm chu ka zuam nganglo a Aizawl a tih ka thlang a,hospital ka kal tih loh chu ka chhuak ngailo a,midang ka be vak ngailo,ka inkhawm ngailo a pawn pawh ka chhuak ngailo a ka awm tawp ani ber,chhungte pawn ka awm awm in min dah tawp a ka pangngai hun an nghak tawp.
Kumkhat hnu chuan ka zia ta deuh a,hna kan thawh tak hnu phei chuan ka zia ta hle.Nula reng reng erawh ka rilruah an awm ta ngailo a,hna ka thawk mawp mawp mai a thian erawh ka kawm meuhlo hna ka thawk miah miah ringawt,a hma a hrehawm ka tihna kha chu a zia tan.Ramtei chu ka hmu ta ngailo a fapa duhawm tak anei tih erawh ka hria.Ka hmuh leh hmasak ber chu tun tum a accident hi ani a ka hmuh tawpna tur a ni der zui.Casualty khum bul a Ramtei mu chu ka en vang vang a,nunna nei tawhlo ani tih rin ngam a harsa a,engkim a rawn thar uar a ahlui tawh lawi si,rilruah thil hrang hrang a lut kual zut zut.Ka ngaidam thei ani tih tal hrilh tur a ka va hmulo kha ka va lo chapo em! Doctor ber hnukulh kha dik thei bikin ka hre silo a muang changin ka inher a pawnlamah ka chhuak phei ta a.
Ramtei boralna pawh hun rei a lo ni ta,tlaikhat chu school pakhat bulah hian ngawi rengin mahniin ka ding a, kawt a class 4 naupang inkhel mek chu ka thlir a,ka awmna lamah chuan ball an petliam a an thlir thap,naupang pakhat chuan min hmuh veleh a lo tlan phei a minlo pawm nghal,ka chawikang a,"Bawiha,nakum chu shillong-ah school kal tawh ang che aw,sipai school tha deuh a awm a" ka ti a,a ngawi reng a,a lunghnur hmel deuhin ka hria..."thlatin ka rawn tlawh dawn che alawm" ka ti chu hlim hmel deuhin a nui var var a,a biangsum a lang kalh,a nu Ramtei a van ang tak em aw! An biangsum neih dan a in ang chiah zui.
No comments:
Post a Comment